కర్నూలు : కర్నూలులో ఓటర్ల జాబితాలో ఓ మహిళ ఫోటో బదులు హీరో వెంకటేష్ ఫోటో ప్రత్యక్షమయ్యింది. కర్నూలు నగర పాలక సంస్థ విడుదల చేసిన ఓటరు జాబితాలో ..31వ వార్డులోని ఓ మహిళా ఓటరు వివరాల దగ్గర వెంకటేశ్‌ ఫోటో ఉంది. ఈ తప్పును గమనించిన కొందరు అధికారుల్ని సంప్రదించారు. ఇలాంటి తప్పులు చాలానే ఉన్నాయని ఆరోపిస్తున్నారు. తప్పుల విషయమై నగరపాలక అధికారులను వివరణ కోరగా ఎన్నికలకు ఇంకా సమయం ఉందని, ఫొటో ఓటరు జాబితాలో తప్పులు దొర్లకుండా సరిచేస్తామని అంటున్నారు.
