Mechanic Rocky: టాలీవుడ్ ప్రముఖ హీరో విశ్వక్ సేన్ హిట్, ఫ్లాప్ తో సంబంధం లేకుండా వరుస సినిమాలు చేస్తూ దూసుకుపోతున్నాడు. ఈ క్రమంలో విభిన్న కథనాలు ఎంచుకుంటూ డిఫరెంట్ గా ఆడియన్స్ ని అలరించడానికి ప్రయత్నిస్తున్నాడు. ప్రస్తుతం విశ్వక్ సేన్ హీరోగా నటించిన "మెకానిక్ రాకీ" అనే సినిమాలో రిలీజ్ కి రెడీ గా ఉంది. ఈ సినిమాలో విశ్వక్ సేన్ ఇంజినీరింగ్ కంప్లీట్ చేసి మెకానిక్ షెడ్ లో పనిచేసే యువకుడి పాత్రలో నటించాడు.
ఈ సినిమాకి రవితేజ ముళ్లపూడి దర్శకత్వం వహించగా ఎస్ఆర్టి ఎంటర్‌టైన్‌మెంట్స్ బ్యానర్‌పై ప్రముఖ తెలుగు సినీ ప్రొడ్యూసర్ రామ్ తాళ్లూరి నిర్మించారు. ఈ సినిమా ప్రీ రిలీజ్ ఈవెంట్ సందర్భంగా విశ్వక్ సేన్ పలు ఆసక్తి కర వ్యాఖ్యలు చేశాడు.
ఇందులోభాగంగా మాకు పూరి జగన్నాథ్ సినిమాలో హీరో రవితేజ చెప్పినట్లు "సినిమా హిట్ అయినా, ఫ్లాప్ అయినా రిజల్ట్స్ తో సంబంధం లేకుండా ఇంకో సినిమా తీస్తామని" అన్నాడు. అలాగే తమకి సినిమా తప్ప ఇంకేమీ తెలియదని సినిమాలే లోకమని తెలిపాడు. అంతేగానీ ఈ సినిమా ఫ్లాప్ అయితే జూబ్లీ చెక్ పోస్ట్ దగ్గర షర్ట్ విప్పి తిరుగుతా, ఫిల్మ్ నగర్ ఖాళీ చేస్తా ఇలాంటి డైలాగ్స్ అస్సలు చెప్పానని అన్నాడు.
ALSO READ : ప్రభాస్ రాజాసాబ్ లో బాలీవుడ్ సాంగ్ రీమిక్స్... తెలుగు ఆడియన్స్ యాక్సెప్ట్ చేస్తారా.?
ఇక మెకానిక్ రాకీ సినిమా గురించి మాట్లాడుతూ "ఇటీవలే తాను ఈ సినిమా చూశానని బాగా నచ్చిందని, అలాగే ఆడియన్స్ కి కూడా నచ్చుతుందని కాబట్టి థియేటర్ కి వెళ్ళి చూడాలని కోరాడు.
ఈ విషయం ఇలా ఉండగా మెకానిక్ రాఖీ సినిమా నవంబర్ 22న వరల్డ్ వైడ్ గ్రాండ్ గా రిలీజ్ కాబోతోంది. ఈ సినిమాలో విశ్వక్ సేన్ కి జంటగా బ్యూటీఫుల్ హీరోయిన్లు మీనాక్షి చౌదరి, శ్రద్దా శ్రీనాథ్ నటించారు. ఇక సునీల్, నరేష్, హైపర్ ఆది, హర్షవర్ధన్ తదితరులు ప్రధాన తారాగణంగా నటించారు.
