మీ విమర్శలకు ధన్యవాదాలు.. త్వరలో బలమైన కథతో వస్తా : విశ్వక్ సేన్

టాలీవుడ్ యంగ్ హీరో విశ్వక్ సేన్ ఈ మధ్య నటించిన సినిమాలు ఆశియించిన స్థాయిలో ఆడియన్స్ ని అలరించలేక పోతున్నాయి. ఈ క్రమంలో ఇటీవలే విశ్వక్ నటించిన లైలా సినిమా డిజాస్టర్ గ నిలిచింది. దీంతో విశ్వక్ సేన్ కొంతకాలంపాటూ బ్రేక్ తీసుకుని మళ్లీ మంచి స్టోరీతో ప్రేక్షకుల్ని అలరించాలని డిసైడ్ అయ్యాడు. ఈ విషయాన్ని సోషల్ మీడియా ద్వారా తెలిపాడు..

"నా అభిమానులకు, నాకు సపోర్ట్ గా నిలిచినవారికి - హృదయపూర్వక క్షమాపణలు. ఇటీవల నా సినిమాలు అందరూ కోరుకున్న స్థాయికి చేరుకోలేకపోయాయి. చివరి సినిమాకు వచ్చిన నిర్మాణాత్మక విమర్శను పూర్తిగా అంగీకరిస్తున్నాను. నన్ను నమ్మి, నా ప్రయాణాన్ని మద్దతు ఇచ్చిన ప్రతి ఒక్కరికీ - నా అభిమానులకు, నాపై ఆశీర్వాదంగా నిలిచినవారికి - హృదయపూర్వక క్షమాపణలు. నా ప్రాధాన్యం ఎప్పుడూ కొత్తదనం తీసుకురావడమే, కానీ ఆ ప్రయత్నంలో మీ అభిప్రాయాలను నేను గౌరవిస్తున్నాను. ఇక పై, నా ప్రతి సినిమా క్లాస్ లేదా మాస్ అయినా సరే, అసభ్యత ఉండదు. నేను ఒక చెడు సినిమా తీస్తే, నన్ను విమర్శించే హక్కు పూర్తిగా మీకు ఉంది. నా ప్రయాణంలో ఎవ్వరూ లేని సమయంలో నన్ను ప్రేమతో ముందుకు నడిపించింది మీరు.

Also Read :- విమానంలో చిరంజీవి-సురేఖ వెడ్డింగ్ యానివర్సరీ సెలెబ్రేషన్స్

నా కెరీర్ ప్రారంభం నుంచి నేను ఎంచుకున్న కథలను మీరు ఎంతగా ప్రేమించారో తెలుసు. ఇక పై కేవలం సినిమా మాత్రమే కాదు, నా ప్రతి సన్నివేశం కూడా మీ మనసుకు తగిలేలా ఉండాలని నిర్ణయించుకున్నాను. నా మీద విశ్వాసం ఉంచిన ప్రొడ్యూసర్స్, డిస్టిబ్యూటర్స్ అందరికీ నా కృతజ్ఞతలు తెలియజేస్తున్నాను. అలాగే, నా కథానాయకులు - దర్శకులు, రచయితలు నా వెన్నెముకగా నిలిచి, నన్ను మలిచిన ప్రతి ఒక్కరికీ నా హృదయపూర్వక ధన్యవాదాలు. మీ అందరి నిర్మాణాత్మక విమర్శలకు ధన్యవాదాలు. త్వరలోనే మరొక బలమైన కథతో ముందుకు వస్తాను. నా మంచి, చెడు కాలాల్లో నన్ను నమ్మి సపోర్ట్ చేసిన ప్రతి ఒక్కరికీ కృతజ్ఞతలు. మీ మద్దతు నాకు ఎంతో ప్రాముఖ్యం. మీ... విశ్వక్ సేన్" అంటూ తన అధికారిక ఎక్స్ ఖాతాలో నోట్ రిలీజ్ చేశాడు.