టాలీవుడ్‌ హీరోయిన్ అమలా పాల్ పండంటి మగబిడ్డకు జన్మినిచ్చారు. ఇటీవలే ఆమె తన ప్రియుడు జగత్ దేశాయ్‌ను పెళ్లాడిన విషయం తెలిసిందే. పెళ్ళైన కొద్దిరోజులకే ప్రెగ్నెన్సీని కూడా ప్రకటించారు ఈ జంట. ఇక తాజాగా ఆమె మగబిడ్డకు జన్మనిచ్చినట్లు సోషల్ మీడియా ద్వారా ప్రకటించారు. జూన్ 11న జన్మించిన ఆ బిడ్డను ఇంటికి తీసుకెళ్తున్న వీడియోను సోషల్ మీడియాలో షేర్ చేశారు అమలా పాల్. ప్రస్తుతం ఆ వీడియో వైరల్ అవగా.. సినీ ప్రముఖులు, అభిమానులు, నెటిజన్స్ సోషల్ మీడియాలో శుభాకాంక్షలు తెలుపుతున్నారు.
ఇక అమలా పాల్ సినిమాల విషయానికి వస్తే.. ఇటీవల ఆమె మలయాళ స్టార్ పృథ్వీరాజ్‌ సుకుమారన్ తో ఆడు జీవితం(ది గోట్ లైఫ్‌) అనే సినిమాలో నటించారు. ఈ సినిమాలో పృథ్వీరాజ్‌ సుకుమారన్ భార్యగా కనిపించిన ఆమె తన నటనతో ఆడియన్స్ ను అలరించారు. ఇటీవలే ప్రేక్షకుల ముందుకు వచ్చిన ఈ సినిమా బాక్సాఫీస్ దగ్గర మంచి విజయాన్ని సాధించింది. ఈ సినిమా తరువాత మరో సినిమాను ప్రకటించలేదు అమలా పాల్.
