టాలీవుడ్ క్రేజీయెస్ట్ హీరోయిన్ మీనాక్షి చౌదరి (Meenakshi Chaudhary) నేడు (జనవరి 31న) శ్రీశైల మల్లన్నను దర్శించుకున్నారు. శ్రీశైలంలో మల్లన్న స్వామిని, అమ్మవారిని దర్శించుకుని ప్రత్యేక పూజలు నిర్వహించింది. పండితుల వేద మంత్రాలతో మీనాక్షిచౌదరికి ఆశీర్వాదం అందించారు.
అతి తక్కువ కాలంలోనే తెలుగులో మీనాక్షి చౌదరి మంచి గుర్తింపు సంపాదించుకుంది. ఇటీవలే,లక్కీభాస్కర్, సంక్రాంతి వస్తున్నాం సినిమాలతో మంచి సక్సెస్ సాధించింది. ఈ క్రమంలో శ్రీశైలంలో మల్లన్న స్వామిని దర్శించుకుని స్వామి వారి సేవలో పాల్గొంది. ఇటీవలే మీనాక్షి తిరుమలలో శ్రీవారిని దర్శించుకుంది. తాజాగా ఆమె శ్రీశైలంలో కనిపించి ఫ్యాన్స్ ను సర్ ప్రైజ్ చేసింది.
ఈ బ్యూటీ ప్రస్తుతం సంక్రాంతికి వస్తున్నాం సినిమా సక్సెస్ ను ఎంజాయ్ చేస్తుంది. ఈ సినిమా ప్రపంచ వ్యాప్తంగా దాదాపు రూ.300 కోట్లు వసూళ్లు సాధించింది.
