ఇటీవల విడుదలైన ‘ఆయ్’ చిత్రంతో టాలీవుడ్‌‌కు పరిచయమైంది నయన్ సారిక. ఇందులో తను పోషించిన పల్లవి పాత్రకు ప్రతి ఒక్కరూ కనెక్ట్ అవుతున్నారని సంతోషం వ్యక్తం చేసింది. ఈ సందర్భంగా నయన్ సారిక మాట్లాడుతూ ‘తెలుగు చిత్ర పరిశ్రమలో ఒక మంచి విజయంతో నా ప్రయాణం ప్రారంభం అవడం ఎంతో ఆనందంగా ఉంది. డిగ్రీ చదువుతుండగానే నాకు ఈ చాన్స్ వచ్చింది. ఓ వైపు షూటింగ్, మ‌‌రో వైపు ప‌‌రీక్షల కోసం ప్రిపేర్ కావ‌‌టం చాలెంజింగ్‌‌గా అనిపించింది.
ఈ చిత్రాన్ని ఆదరిస్తున్న ప్రేక్షకులకు ధన్యవాదాలు. ఈ విజయం టీమ్ అందరిదీ. వ్యక్తిగతంగా నాకెంతో సంతోషాన్ని ఇచ్చింది. ఇంత మంచి సినిమాలో న‌‌న్ను భాగం చేసిన గీతాఆర్ట్స్ సంస్థకు, ద‌‌ర్శకుడు అంజి కె.మ‌‌ణిపుత్రకు స్పెషల్ థ్యాంక్స్. ఇక ఎన్టీఆర్ గారు, అల్లు అర్జున్ గారు నా నటనను ప్రశంసించడం ఎంతో గొప్పగా అనిపించింది. వాటిని ఎప్పటికీ మర్చిపోలేను’ అని చెప్పింది.
