నిజామాబాద్, వెలుగు: ఓ హోటల్లో హైటెక్వ్యభిచారం నిర్వహిస్తుండగా పోలీసులు రైడ్ చేసిన పట్టుకున్న ఘటన నిజామాబాద్ సిటీలో జరిగింది. గురువారం సీపీ కల్మేశ్వర్ తెలిపిన ప్రకారం.. సిటీలోని కృష్ణా కాంటినెంటల్ హోటల్ రూమ్ ల్లో హైటెక్ వ్యభిచారం నిర్వహిస్తున్నారనే సమాచారంతో బుధవారం రాత్రి పోలీసులు రైడ్ చేశారు. ఐదుగురు యువతులు, 8 మంది పురుషులను అదుపులోకి తీసుకున్నారు.
వారి వద్ద రూ.38,760 నగదు, 13 సెల్ఫోన్లు, ఫేక్ కరెన్సీ స్వాధీనం చేసుకున్నారు. పట్టుబడిన వారిలో హైదరాబాద్లోని ఫిల్మ్నగర్కు చెందిన వ్యక్తి కూడా ఉన్నాడు. సినీ జూనియర్ ఆర్టిస్టులను తెచ్చి దందా నిర్వహిస్తున్నట్లు పోలీసులు అనుమానించి విచారించారు. ప్రముఖ స్టార్ హోటల్గా గుర్తింపు పొందిన కృష్ణా కాంటినెంటల్కు రాజకీయ పార్టీల లీడర్లు ఎక్కువ శాతం వస్తుంటారు. అక్కడ హైటెక్ వ్యభిచార ముఠా పట్టుబడడంతో సిటీలో చర్చనీయాంశమైంది.
