హైదరాబాద్, వెలుగు: మేడ్చల్‌ జిల్లాకు చెందిన ఓ పిటిషనర్హైకోర్టును తప్పుదోవ పట్టించాడు. ప్రగతినగర్‌‌‌‌‌‌‌‌కు చెందిన డి.మహేశ్వర్రెడ్డి గాజులరామారాంలోని సర్వే నెం.329/4, 329/5లో మహదేవపురం రెసిడెన్షియల్‌ ప్రాజెక్టు ఫేజ్‌-3లో 200 చదరపు గజాల ఇంటి జాగాకు సంబంధించిన డాక్యుమెంట్స్‌ అన్నీ ఇచ్చినా కుత్బుల్లాపూర్‌ సబ్‌‌‌‌‌‌‌‌రిజిస్ట్రార్‌ రిజిస్ట్రేషన్‌ చేయలేదంటూ ఇటీవల హైకోర్టును ఆశ్రయించాడు.
ఈ కేసును జస్టిస్‌ ఎన్‌.వి.శ్రవణ్‌‌‌‌‌‌‌‌కుమార్‌ విచారణ చేపట్టారు. అయితే మహేశ్వర్రెడ్డి సబ్‌ రిజిస్ట్రార్‌‌‌‌‌‌‌‌ను అస్సలు కలవనేలేదని, ఏవిధమైన డాక్యుమెంట్స్‌ సమర్పించలేదని ప్రభుత్వ సహాయ న్యాయవాది హెచ్‌.రాకేశ్కుమార్‌ కోర్టుకు తెలిపారు. అవసరమైన స్టాంపు డ్యూటీ, రిజిస్ట్రేషన్‌ ఛార్జీలను చలానా రూపంలో చెల్లించలేదని వివరించారు. పిటిషనర్ పై సీరియస్అయిన హైకోర్టు రూ. 10 వేలు జరిమానా విధించింది. ఆ మొత్తాన్ని కోర్టు మాస్టర్స్, వ్యక్తిగత కార్యదర్శుల అసోసియేషన్‌‌‌‌‌‌‌‌కు చెల్లించాలని స్పష్టం చేసింది. డాక్యమెంట్స్‌ సమర్పించి రిజిస్ట్రేషన్‌ చేసుకోవచ్చునని చెప్పింది.
