- తులసి దళ సేవలో పాల్గొన్న జస్టిస్ నగేశ్ భీమపాక
వికారాబాద్, వెలుగు: వికారాబాద్ సమీపంలోని అనంతగిరి పద్మనాభ స్వామి వారిని తెలంగాణ హైకోర్టు జడ్జి జస్టిస్ నగేశ్ భీమపాక ఆదివారం దర్శించుకున్నారు. స్వామివారికి తులసి దళ సేవలు, అర్చనలు నిర్వహించారు. తొలుత వికారాబాద్లోని అనంతగిరి హరిత రిసార్ట్ కు వచ్చిన ఆయనకు కలెక్టర్ ప్రతీక్ జైన్, జిల్లా జడ్జి డాక్టర్ సున్నం శ్రీనివాస్ రెడ్డి పూల మొక్క అందజేసి స్వాగతం పలికారు.
అనంతరం పోలీసులతో గౌరవ వందనం స్వీకరించారు. అక్కడి నుంచి ఆలయానికి చేరుకున్న ఆయనకు ఆలయ ఈవో నరేందర్, అర్చకులు పూర్ణ కుంభంతో స్వాగతం పలికి దర్శన ఏర్పాట్లను చేశారు. తీర్థ ప్రసాదాలు, స్వామివారి జ్ఞాపికను అందజేశారు.
