టీమిండియా చైనామన్ స్పిన్నర్ కుల్దీప్ యాదవ్ రాంచీ టెస్టులో ఆల్ రౌండ్ ప్రదర్శనతో అదరగొట్టాడు. తొలి ఇన్నింగ్స్ లో వికెట్లేమీ తీయకపోయినా.. రెండో ఇన్నింగ్స్ లో 4 వికెట్లతో సత్తా చాటాడు. మరోవైపు 100 కు పైగా బంతులు ఎదుర్కొని కీలకమైన 28 పరుగులు చేశాడు. కుల్దీప్ యాదవ్ బౌలింగ్ కు ఇంగ్లాండ్ కెప్టెన్ మైకేల్ వాన్ ప్రశంసలు కురిపించాడు. అతన్ని షేన్ వార్న్ తో పోల్చాడు.
కుల్దీప్ ఈ రోజు తన అత్యుత్తమ ప్రదర్శన ఇచ్చాడు. అతని బౌలింగ్ చేస్తే షేన్ వార్న్ లెఫ్ట్ హ్యాండర్ తో బౌలింగ్ చేస్తున్నాడేమో అనిపించింది అని వాన్ అన్నాడు. ఈ లెఫ్ట్ ఆర్మ్ చైనామ్యాన్ బౌలర్.. ఓపెనర్ జాక్ క్రాలీ, కెప్టెన్ బెన్ స్టోక్స్, టామ్ హార్ట్లీ, ఆలీ రాబిన్సన్‌ల వికెట్లను తీసి ఇంగ్లాండ్ తక్కువ పరుగులకే ఆలౌట్ అయ్యేలా అవ్వడంతో కీలక పాత్ర పోషించాడు. కుల్దీప్ తో పాటు అశ్విన్ 5 వికెట్లు తీయడంతో ఇంగ్లాండ్ తమ రెండో ఇన్నింగ్స్ లో 145 పరుగులకే ఆలౌట్ అయింది.
రాంచీ టెస్టులో ప్రస్తుతం భారత్ 3 వికెట్ల నష్టానికి 112 పరుగులు చేసింది. టీమిండియా విజయం సాధించాలంటే మరో 80 పరుగులు చేయాల్సి ఉంది. చేతిలో 7 వికెట్లు ఉన్నాయి. క్రీజ్ లో గిల్(13), జడేజా (2) ఉన్నారు. రోహిత్ శర్మ (55), జైశ్వాల్ (37), పటిదార్ (0) ఔటయ్యారు. ఇంగ్లాండ్ బౌలర్లలో హార్టిలి, రూట్, బషీర్ తలో వికెట్ తీసుకున్నారు.
High praise from Michael Vaughan for Kuldeep Yadav's exceptional bowling performance 🙌🏻🏏#MichaelVaughan #KuldeepYadav #INDvsENGTest #Insidesport #CricketTwitter pic.twitter.com/U8iFIuGuNt
— InsideSport (@InsideSportIND) February 25, 2024
