హైదరాబాద్ సిటీ, వెలుగు: 59 ఏండ్ల వృద్ధుడికి బేగంపేట మెడికవర్ హాస్పిటల్అరుదైన ఎరోటిక్ వాల్వ్ రీప్లేస్‌‌‌‌‌‌‌‌‌‌‌‌‌‌‌‌మెంట్ సర్జరీని సక్సెస్గా పూర్తి చేసింది. బీహార్కు చెందిన ఓం ప్రకాశ్ అరుదైన లో–ఫ్లో, లో–గ్రాడియెంట్ ఎరోటిక్ స్టెనోసిస్అనే అరుదైన గుండె సమస్యతో బాధపడుతున్నాడు. ఈ సమస్యతొ అతడి గుండె పంపింగ్65 శాతం ఉండాల్సింది పోయి19 శాతానికి పడిపోయింది. సాధారణంగా గుండె పంపింగ్20 శాతానికి తగ్గితే కచ్చితంగా గుండె మార్పిడి చికిత్స చేయాలి. ఇందుకోసం ఓం ప్రకాశ్ బేగంపేట మెడికవర్ హాస్పిటల్స్లోని సీటీవీఎస్ డాక్టర్ సుధీర్ను కలిశాడు.
పలు టెస్టుల తరువాత గుండె సమస్య చాలా క్లిష్టంగా ఉందని గుర్తించిన వైద్యులు.. ఎరోటిక్ వాల్వ్ రీప్లేస్‌‌‌‌‌‌‌‌‌‌‌‌‌‌‌‌మెంట్ చేయాలని నిర్ధారణకు వచ్చారు. ఈ సర్జరీలో పేషంట్10 శాతం మాత్రమే బతకడానికి అవకాశం ఉంటుంది. సర్జరీ సమయంలో గుండె సాగిపోవడం, వాల్వ్ పూర్తిగా దెబ్బతినడం వంటి పరిస్థితులు ఎదురయ్యే అవకాశం ఉంది. అయినప్పటికీ అత్యంత క్లిష్టమైన రోటిక్ వాల్వ్ రీప్లేస్‌‌‌‌‌‌‌‌‌‌‌‌‌‌‌‌మెంట్ సర్జరీని అక్టోబర్ 23న పూర్తి చేశాడు. ఆ తర్వాత 48 గంటలపాటు వెంటిలేటర్ సపోర్ట్, క్రమంగా ఐనోట్రోపిక్ సపోర్ట్ను అందించారు. 72 గంటల తర్వాత గుండె పనితీరు మెరుగుపడడంతో మెడిసిన్ ఇవ్వడం క్రమంగా తగ్గించారు.
ఆపై 7 రోజులు తర్వాత ఆయన ఆరోగ్యం మెరుగుపడడంతో..10 రోజు పేషంట్ను డిశ్చార్జ్ చేశారు. అనస్థీషియా, కార్డియాక్, ఐసీయూ, ఫిజియోథెరపీ, పోషకాహార విభాగాలు పేషంట్ను తొందరగా కోలుకోవడంలో ప్రత్యేక పాత్ర పోషించాయని డాక్టర్ సాకేత్ శుక్రవారం తెలిపారు. కార్యక్రమంలో సీటీవీఎస్సర్జన్ డాక్టర్ సుధీర్, డాక్టర్లు మానస, రాజ్ కుమార్, అభిలాష్ పాల్గొన్నారు.
