చేవెళ్ల, వెలుగు : మండలంలోని ఎన్కేపల్లిలో శ్రీ సత్య సాయి గ్రామర్ హై స్కూల్ బస్సు ఉదయం పిల్లలను తీసుకొని వెళ్తున్న క్రమంలో పొంగమంచులో ఓ బైక్ను ఢీ కొట్టింది. బైక్ పై ఉన్న మొండివాగు కు చెందిన ఇమ్రాన్ (22 ) అక్కడిక్కడే మృతి చెందాడు. స్థానికులు, పోలీసుల వివరాల ప్రకారం..ఇమ్రాన్ పనిమీద మొండివాగు నుంచి ఎన్కేపల్లి గేట్ వైపు వెళ్తుండగా స్కూల్ బస్సు ఢీకొట్టింది.
దీంతో అతను చనిపోయాడు. సమాచారం అందుకున్న పోలీసులు ప్రమాద స్థలాన్ని పరిశీలించారు. కేసు దర్యాప్తు లో ఉంది. మృతడు ఇమ్రాన్ కు ఐదు నెలల క్రితం వివాహాం జరిగింది. మృతి కారణమైన వారిపై చర్యలు తీసుకోవాలని, బాధిత కుటుంబానికి నష్టపరిహారం ఇవ్వాలని బంధువులు డిమాండ్ చేశారు.
ఆర్టీసీ బస్సు, బైక్ ఢీకొని మరొకరు..
ఇబ్రహీంపట్నం : రంగారెడ్డి జిల్లా మంచాల మండలం ఆగపల్లి వద్ద సాగర్ రహదారిపై సోమవారం రాత్రి ఆర్టీసీ బస్సు , బైక్ ను ఢీకొనడంతో నాగర్ కర్నూల్ జిల్లా చారకొండకు చెందిన కొమ్ము ప్రశాంత్(23) చనిపోయాడు. సీఐ మంచాల మధు తెలిపిన వివరాల ప్రయారం..
ప్రశాంత్ బైక్ పై హైదరాబాద్ వైపు వెళ్తుండగా, అదే సమయంలో ఇబ్రహీంపట్నం ఆర్టీసీ డిపోకు చెందిన అద్దె బస్సుశివన్నగూడాకు వెళ్తూ ప్రశాంత్ను ఢీకొట్టింది. దీంతో ప్రశాంత్కు తీవ్రగాయాలయ్యాయి. ఆసుపత్రికి తరలించేలోపే మృతిచెందాడు. పోలీసులు కేసు దర్యాప్తు చేస్తున్నారు.
