దుబ్బాక: సిద్దిపేట జిల్లా దుబ్బాకలో ఉద్రిక్తత చోటుచేసుకుంది. బీఆర్ఎస్, కాంగ్రెస్ వర్గాల మధ్య ఘర్షణ నెలకొంది. దుబ్బాక ఎమ్మెల్యే కొత్త ప్రభాకర్ రెడ్డి ఎమ్మెల్యే క్యాంపు ఆఫీస్ నుంచి మున్సిపల్ ఆఫీస్కు వెళ్తుండగా ఎమ్మెల్యే కాన్వాయ్ అడ్డుకున్నారు. పోటాపోటీగా కార్లపై కోడిగుడ్లతో దాడులు చేసుకున్నారు. దీంతో కాంగ్రెస్, బీఆర్ఎస్ నేతల మధ్య వాగ్వాదం చోటుచేసుకుంది.
మంత్రి కొండా సురేఖ పై ట్రోలింగ్ చేయడానికి ఎమ్మెల్యే ప్రభాకర్రెడ్డి కారణమని కాంగ్రెస్ నాయకులు నిరసన తెలిపారు. కొత్త ప్రభాకర్ రెడ్డికి వ్యతిరేకంగా నినాదాలు చేశారు. దీంతో, ఇరువర్గాల మధ్య ఘర్షణ చోటుచేసుకుంది. అక్కడే ఉన్న పోలీసులు ఇరు వర్గాలను కట్టడి చేశారు. కాంగ్రెస్ కార్యకర్తలను అడ్డుకున్నారు.
