- శ్రీనగర్కాలనీ వడ్డెర బస్తీలో ఘటన
- భయంతో వణికిపోయిన స్థానికులు
- స్థానిక విద్యుత్ సబ్ స్టేషన్ముందు ఆందోళన
పంజాగుట్ట, వెలుగు: పంజాగుట్ట పోలీస్స్టేషన్పరిధిలోని శ్రీనగర్కాలనీలో శనివారం పెను ప్రమాదం తప్పింది. ఉదయం 8 గంటల సమయంలో స్థానిక వడ్డెర బస్తీ మీదుగా వెళ్తున్న హైటెన్షన్కరెంట్వైర్తెగి ఇండ్లు, గవర్నమెంట్స్కూల్ బిల్డింగ్పై పడింది.
గమనించిన స్థానికులు భయంతో పరుగులు తీశారు. వైర్తెగిపడిన వెంటనే కరెంట్సప్లయ్నిలిచిపోవడంతో ప్రాణ నష్టం తప్పింది. ట్రిప్అవడంతో మూడు ట్రాన్స్ఫార్మర్లకు సరఫరా బంద్అయింది. మూడు గంటల పాటు కరెంట్సప్లయ్నిలిచిపోయింది. తరచూ ఇలాంటి ఘటనలు జరుగుతున్నా విద్యుత్ అధికారులు పట్టించుకోవడంలేదంటూ స్థానికులు శ్రీనగర్కాలనీ విద్యుత్సబ్స్టేషన్వద్ద ఆందోళనకు దిగారు. హైటెన్షన్లైన్లను తొలగించాలని డిమాండ్చేశారు.
పంజాగుట్ట ఇన్స్పెక్టర్ శోభన్, స్థానిక కార్పొరేటర్వనం సంగీత యాదవ్ఘటనా స్థలాన్ని పరిశీలించారు. విద్యుత్శాఖ అధికారులతో మాట్లాడారు. సమస్యకు శాశ్వత పరిష్కారం చూపాలని కోరారు. కొత్త కేబుల్ఏర్పాటు చేస్తామని అధికారులు చెప్పారు. కాగా రెండేండ్ల కింద ఇలాగే హైటెన్షన్వైర్తెగి పడింది.
అదే టైంలో మేడపై బట్టలు ఆరేస్తున్న మణిలా అనే మహిళపై పడడంతో తీవ్రంగా గాయపడింది. చికిత్స పొందుతూ 21 రోజుల తర్వాత మృతి చెందింది. గాలిపటం ఎగరవేస్తుండగా హైటెన్షన్వైర్లకు మాంజా తాకి ఓ బాలుడు స్పాట్లో చనిపోయాడు.
