హైదరాబాద్, వెలుగు: ఎలక్షన్లలో రిజల్ట్స్ ఒక్కోసారి ఊహించలేని విధంగా వస్తుంటయి. కొన్ని ఓట్లతోనే గెలుపోటములు అటూ ఇటూ మారిపోతాయి. ఈసారి గ్రేటర్‌ లోనూ అట్లాంటి సీన్ కనిపించింది. కేవలం వెయ్యి ఓట్లలోపు తేడాతోనే 24 క్యాండిడేట్లు, వెయ్యికి కాస్త ఎక్కువ తేడాతో మరో ముగ్గురు క్యాండిడేట్లు విజయం సాధించారు. ఇందులో టీఆర్ఎస్ నుంచి 11 మంది, బీజేపీ నుంచి 14 మంది, ఎంఐఎం క్యాండిడేట్ఒకరు ఉన్నారు. మరోవైపు రికార్డు స్థాయి మెజారిటీతో మరికొందరు క్యాండిడేట్లు గెలిచారు. అందులో ఎక్కువగా ఎంఐఎం వాళ్లే ఉండగా.. బీజేపీ, టీఆర్ఎస్ల నుంచి కొందరు ఉన్నారు.
హోరాహోరీ పోరులో..
బీఎన్ రెడ్డి నగర్ డివిజన్లో టీఆర్ఎస్ క్యాండిడేట్లక్ష్మీప్రసన్నపై బీజేపీ క్యాండిడేట్లచ్చిరెడ్డి 32 ఓట్ల తేడాతో గెలిచారు. మచ్చ బొల్లారంలో బీజేపీ క్యాండిడేట్ నరేశ్పై టీఆర్ఎస్ క్యాండిడేట్ జితేంద్ర కేవలం 43 ఓట్ల తేడాతో గెలుపొందారు. టీఆర్ఎస్, బీజేపీ మధ్య గట్టి పోటీ జరగడంతో దాదాపు ఇరు పార్టీల క్యాండిడేట్లకు దగ్గర దగ్గరగా ఓట్లు వచ్చాయి. దీంతో కొన్ని ఓట్ల తేడాతోనే క్యాండిడేట్లు గెలిచారు. ఎంఐఎం పాతబస్తీలోని డివిజన్లలో పూర్తిగా ఆధిక్యం చూపింది. 10కిపైగా డివిజన్లలో 10 వేల ఓట్లకుపైగా మెజార్టీ సాధించింది.
వెయ్యిలోపే ఓట్ల తేడా వచ్చిన డివిజన్లు
డివిజన్ గెలిచిన పార్టీ మెజార్టీ
బీఎన్రెడ్డి నగర్ బీజేపీ 32
మచ్చబొల్లారం టీఆర్ఎస్ 43
మల్కాజిగిరి బీజేపీ 173
అడిక్మెట్ బీజేపీ 227
హస్తినాపురం బీజేపీ 279
వినాయక్నగర్ బీజేపీ 287
ఆల్విన్ కాలనీ టీఆర్ఎస్ 436
జగద్గిరిగుట్ట టీఆర్ఎస్ 479
రామంతాపూర్ బీజేపీ 487
రాంనగర్ బీజేపీ 529
మూసాపేట్ బీజేపీ 538
మెట్టుగూడ టీఆర్ఎస్ 584
చిలుకానగర్ టీఆర్ఎస్ 612
వనస్థలిపురం బీజేపీ 704
కూకట్పల్లి టీఆర్ఎస్ 749
జూబ్లీహిల్స్ బీజేపీ 779
బంజరాహిల్స్ టీఆర్ఎస్ 781
హబ్సిగూడ బీజేపీ 789
మంగళ్ హాట్ బీజేపీ 809
జాంబాగ్ బీజేపీ 809
బౌద్ద నగర్ టీఆర్ఎస్ 815
బన్సీలాల్పేట్ టీఆర్ఎస్ 836
సైదాబాద్ బీజేపీ 911
అత్యధిక మెజార్టీ వచ్చిన డివిజన్లు..
డివిజన్ పార్టీ మెజార్టీ
పత్తర్గట్టీ ఎంఐఎం 18,909
తలాబ్ చంచలం ఎంఐఎం 17,454
చాంద్రాయణగుట్ట ఎంఐఎం 16,733
కంచన్బాగ్ ఎంఐఎం 16,422
చావ్ని ఎంఐఎం 11,778
అల్లాపూర్ టీఆర్ఎస్ 10,310
చంపాపేట్ బీజేపీ 9,008
హయత్నగర్ బీజేపీ 7,989
For More News..
