టాలీవుడ్ యంగ్ రెబల్ స్టార్ ప్రభాస్ ప్రస్తుతం "ది రాజాసాబ్" చిత్రంలో హీరోగా నటిస్తున్న విషయం తెలిసిందే. ఈ సినిమాకి తెలుగు ప్రముఖ డైరెక్టర్ మారుతి దాసరి దర్శకత్వం వహిస్తున్నాడు. పీపుల్ మీడియా ఫ్యాక్టరీ బ్యానర్ పై తెలుగు సినీ ప్రొడ్యూసర్ టీజి విశ్వప్రసాద్ నిర్మిస్తున్నాడు. ఇటీవలే ప్రభాస్ బర్త్ డే సందర్భంగా ది రాజాసాబ్ సినిమా గ్లింప్స్ రిలీజ్ చెయ్యగా అమేజింగ్ రెస్పాన్స్ వచ్చింది. దీంతో రొమాంటిక్ హర్రర్ బ్యాక్ డ్రాప్ లో తెరకెక్కుతున్న ఈ సినిమాపై భారీ అంచనాలు నెలకొన్నాయి.
అయితే టాలీవుడ్ సినీ వర్గాల సమాచారం ప్రకారం మ్యూజిక్ డైరెక్టర్ తమన్ ఒకప్పుడు బాలీవుడ్ లో బాగా ట్రెండ్ అయిన ఇన్సాఫ్ అప్నా లాహో సె సినిమాలోని హవా హవా" అనే సాంగ్ ని ది రాజాసాబ్ లో రీమిక్స్ చేసేందుకు ప్లాన్ చేస్తున్నట్లు తెలుస్తోంది. ఈ సాంగ్ ని ఇప్పుడున ట్రెండ్ కి అనుగుణంగా ట్యూన్ చేస్తున్నాడని, అంతేగాకుండా ఈ పాట రీమిక్స్ హక్కుల కోసం దాదాపుగా రూ.2 కోట్లు ఖర్చు చేశారని టాక్ వినిపిస్తోంది.
Also Read : సిద్దు జొన్నలగడ్డ తెలుసు కదా మూవీ
ఈ పాట ఇప్పటికీ సోషల్ మీడియాలో రీల్స్ రూపంలో వినిపిస్తుంటుంది. దీంతో పాత పాటలతో రీమిక్స్ తో ట్రెండ్ సెట్ చేసేందుకు తమన్ సన్నాహాలు చేస్తున్నట్లు తెలుస్తోంది. ఈ విషయంపై నెటిజన్లు స్పందిస్తూ హిందీ పాటలను తెలుగు సినిమాలో పెడితే సౌత్ ఆడియన్స్ యాక్సెప్ట్ చేస్తారా..? అనే సందేహాలు వ్యక్తం అవుతున్నాయి.
ఈ విషయం ఇలా ఉండగా ఈ సినిమా షూటింగ్ లాస్ట్ స్టేజ్ లో ఉంది. దీంతో హైదరాబాద్ పరిసర ప్రాంతంలో షూటింగ్ జరుగతున్నట్లు సమాచారం. ది రాజాసాబ్ సినిమాని వచ్చే ఏడాది ఏప్రిల్ 10న ప్యాన్ ఇండియా భాషలలో రిలీజ్ కానుంది.
