- మధ్యయుగాలు, ఆధునిక భారతదేశ చరిత్రలో భారతదేశంలో అత్యంత శక్తిమంతమైన విశాలమైన రాజ్యం హైదరాబాద్.
- నిజాం ఉల్ ముల్క్ కాలంలో కర్ణాటక ప్రాంత రాజధాని ఆర్కాట్.
- 1742లో నిజాం ఉల్ ముల్క్ ఆర్కాట్ నవాబుగా సయీద్ మహమ్మద్ ఖాన్ను నియమించారు.
- 1747లో ఆర్కాట్తోపాటు కొండనూరు, కడప నవాబుగా నిజాం ఉల్ ముల్క్ తన కుమారుడు నాసర్ జంగ్ను నియమించాడు.
- ఆధునిక భారతదేశ చరిత్రలో దక్షిణ భారతదేశ చరిత్రను కర్ణాటక యుద్ధాలు సమూలంగా మార్చాయి.
- కర్ణాటక యుద్ధాలకు ప్రధాన కారణం ఫ్రెంచ్, ఇంగ్లాండ్ కంపెనీల మధ్య వ్యాపార పోటీ.
- మొదటి కర్ణాటక యుద్ధానికి ప్రధాన కారణం ఆస్ట్రియా వారసత్వ యుద్ధం.
- మొదటి కర్ణాటక యుద్ధ కాలంలో ఆర్కాట్ నవాబు అన్వరుద్ధీన్.
- ఫ్రెంచ్ వారికి, కర్ణాటక నవాబు సైన్యానికి మధ్య 1746లో శాంథోమ్ వద్ద జరిగిన యుద్ధాన్ని అడయార్ యుద్ధం అని పిలుస్తారు. ఈ యుద్ధంలో కర్ణాటక నవాబు సైన్యం ఓటమిపాలైంది.
- అడయార్ యుద్ధంలో కర్ణాటక నవాబు ఓటమితో మద్రాసు ఫ్రెంచ్ వారి వశమైంది.
- ఐరోపాలో ఆస్ట్రియా వారసత్వ యుద్ధం 1748లో అక్సిల్లా చాపెల్లా సంధితో ముగిసింది. ఈ సంధి ప్రకారం మద్రాసు స్థావరాన్ని ఫ్రెంచ్ వారు ఆంగ్లేయులకు అప్పగించారు.
- 1748వ సంవత్సరంలో నిజాం ఉల్ ముల్క్ మరణానంతరం దక్కన్కు పాలకునిగా నిజాం ఉల్ ముల్క్ కుమార్తె కుమారుడు ముజఫర్ జంగ్ ప్రకటించుకున్నాడు.
- రెండో కర్ణాటక యుద్ధం క్రీ.శ.1749లో మొదలైంది.
- రెండో కర్ణాటక యుద్ధంలో ఆర్కాట్ నవాబు అన్వరుద్దీన్ను ఓడించడానికి చందాసాహెబ్, ముజఫర్ జంగ్, ఫ్రెంచ్ గవర్నర్ డూప్లెక్స్ కూటమి కట్టారు.
- 1749 ఆగస్టులో మొదలైన రెండో కర్ణాటక యుద్ధానికి గల మరో పేరు అంబూర్ యుద్ధం.
- అంబూర్ యుద్ధంలో ఫ్రెంచ్ వారి సహకారంతో కర్ణాటక నవాబుగా చందాసాహెబ్ పట్టాభిషిక్తుడయ్యాడు.
- చందాసాహెబ్ ఫ్రెంచ్ వారికి ఇచ్చిన ప్రాంతాలు కోరమాండల్, పాండిచ్చేరికి మధ్య ఉన్న ప్రాంతాలు.
- మొఘల్ సేనలు 1750లో ముజఫర్ జంగ్ను కఠినంగా శిక్షించకుండా నిజాం పెష్కార్ రాందాసు పండిట్ కాపాడాడు.
- 1750లో జరిగిన యుద్ధంలో నాసిర్ జంగ్ను కర్నూలు నవాబు హిమ్మత్ ఖాన్ తుపాకీతో కాల్చి చంపాడు.
- మృతిచెందిన నాసిర్జంగ్ తలను తీసుకొని ముజఫర్ జంగ్ వద్ద కడప నవాబు అబ్దుల్ నబీఖాన్ వెళ్లాడు.
- గొప్ప ప్రజా దర్బార్ ఏర్పాటు చేసుకుని ముజఫర్ జంగ్ 1750 డిసెంబర్ 31న రాజుగా ప్రకటించుకున్నాడు.
- ఫ్రెంచ్ వారిపై కృతజ్ఞతతో డూప్లెక్స్కు ముజఫర్ జంగ్ ఇచ్చిన బిరుదు జఫర్జంగ్.
- డూప్లెక్స్ను ముజఫర్జంగ్ కృష్ణా నదికి దక్షిణంగా ఉన్న రాజ్య ప్రాంతాలకు నాయబ్గా నియమించాడు. అంతేకాకుండా కర్ణాటక, మైసూరు ప్రాంతాలకు నవాబుగా చేశాడు.
- ముజఫర్జంగ్ ఫ్రెంచ్ వారికి ఇచ్చిన ప్రాంతాలు మచిలీపట్నం, యానాం, కరైకల్.
- 1751 జనవరిలో ముజఫర్ జంగ్కు వ్యతిరేకంగా పఠాన్ నవాబులు తిరుగుబాటు చేశారు.
- పఠాన్ నవాబులపై ముజఫర్ జంగ్ యుద్ధం చేసిన ప్రాంతం లక్కిరెడ్డి పల్లి కనుమ దగ్గర రాయచోటి అనే ప్రాంతం.
- ముజఫర్జంగ్ తరఫున యుద్ధం చేసిన ఫ్రెంచి సైన్యాలకు నాయకత్వం వహించింది బుస్సీ.
- 1751 జనవరి యుద్ధంలో ముజఫర్జంగ్ను కర్నూల్ నవాబు హిమ్మత్ఖాన్ చంపాడు. అనంతరం 1751లో హైదరాబాద్ నవాబుగా నిజాం ఉల్ ముల్క్ కుమారుడు సలాబత్జంగ్ను బుస్సీ నియమించాడు.
- సలాబత్ జంగ్ ఫ్రెంచ్ వారికిచ్చిన ప్రాంతాలు కొండపల్లి, గుంటూరు, ఏలూరు, రాజమండ్రి, చికాకోల్ ప్రాంతాలు.
- సలాబత్జంగ్ దక్షిణ కృష్ణ ప్రాంతానికి డూప్లెక్స్ను గవర్నర్గా నియమించాడు. కర్ణాటక ప్రాంతంలో ఫ్రెంచ్ వారి ఓటమి తర్వాత సలాబత్జంగ్కు ఆంగ్లేయులు మద్దతు ప్రకటించారు.
- రెండో కర్ణాటక యుద్ధం పాండిచ్చేరి సంధితో ముగిసింది. ఇంగ్లీషు వారితో పాండిచ్చేరి సంధి చేసుకున్న ఫ్రెంచ్ అధికారి గడేహ్యూ.
- 1756, మే 17న ఆస్ట్రియా, ప్రష్యాల మధ్య సప్తవర్ష సంగ్రామం మొదలైంది.
- 1758లో కర్ణాటక ప్రాంతంలో ఫ్రెంచి, ఆంగ్లేయులకు మధ్య యుద్ధం ప్రారంభమైంది.
- మూడో కర్ణాటక యుద్ధంలో ఫ్రెంచి వారికి కౌంట్ డి లాలీ నాయకత్వం వహించాడు. 1759 మే 14న హైదరాబాద్ నిజాం సలాబత్జంగ్తో ఆంగ్లేయులు సంధి చేసుకున్నారు.
