- బీటెక్ విద్యార్థులను ఢీకొట్టి, ఆగకుండా వెళ్లిన ట్రావెల్స్ బస్సు
- ఒకరు మృతి, మరొకరికి తీవ్ర గాయాలు
పంజాగుట్ట, వెలుగు: పంజాగుట్టలో హిట్అండ్‌ రన్‌ కేసు నమోదైంది. బైక్నుప్రైవేటు ట్రావెల్స్ బస్సు ఢీకొనడంతో ఒకరు మృతి చెందగా, మరొకరు తీవ్రంగా గాయపడ్డారు. విద్యానగర్కు చెందిన రాజయ్య కొడుకు పున్నం లోకేశ్(21) బాచుపల్లిలోని వీఎన్ఆర్విజ్ఞాన జ్యోతి ఇంజినీరింగ్ కాలేజీలో ఫైనలియర్చదువుతున్నాడు. తన ఫ్రెండ్ ధర్మతేజ్తో కలిసి శుక్రవారం ఉదయం బైక్పై కాలేజీకి బయలుదేరారు.
మార్గమధ్యలో అమీర్పేటవద్ద వారిని వెనుక నుంచి ప్రైవేట్ బస్సు ఢీకొట్టి, ఆగకుండా వెళ్లిపోయింది. ఈ ఘటనలో లోకేశ్ స్పాట్లోనే మృతి చెందగా, వెనుక కూర్చున్న ధర్మతేజ్కు గాయాలయ్యాయి. ఈ ఘటనపై పంజాగుట్ట పోలీసులు దర్యాప్తు చేస్తున్నారు. ప్రమాదానికి కారణమైన గో టూర్ ట్రావెట్స్ బస్సును బాచుపల్లిలో స్వాధీనం చేసుకొని, నిందితుడిని అదుపులోకి తీసుకున్నారు.
