పర్యావరణ పరిరక్షణలో ప్రతి ఏటా మాదిరిగానే ఈ ఏడాది 5 లక్షల మట్టి విగ్రహాలను జీహెచ్‌ఎంసీ, హెచ్ఎండీఏ, పీసీబీ శాఖలు పంపిణీకి ఏర్పాట్లు చేస్తున్నాయి. మట్టి గణపతులనే పూజిద్దామంటూ ప్రజల్లో చైతన్యం తీసుకొచ్చేందుకు తమ వంతు బాధ్యతగా ఉచితంగా 8 అంగుళాల పొడవుతో కూడిన మట్టి విగ్రహాలను అందించాలని నిర్ణయించారు. ప్రతి ఏడాది లాగే ఈ సారి మట్టి గణపతి విగ్రహాలను ఉచితంగా పంపిణి చేయడానికి అధికారులు ఏర్పాట్లు పూర్తి చేశారు. నగరంలో 33 సెంటర్ల ద్వారా మట్టి గణపతులను పంచిపెట్టనున్నారు. ఈ నెల 4 వ తేదీ నుంచి 6 వ తేది వరకు పంచిపెడతామని హెచ్ఎండీఏ అధికారులు తెలిపారు, పర్యావరణ పరిరక్షణకోసం హెచ్ఎండీఏ అధికారులు 2017 నుండి ఉచితంగా మట్టి గణపతులను పంపిణి చేస్తున్నారు.
ALSO READ | గణేష్ చతుర్థి 2024: ఏ రాశివారు ఎలాంటి వినాయకుడుని పూజించాలి.. నైవేద్యాలు ఏంటో తెలుసా..
