- బాపూఘాట్, తారామతి, ఏకో పార్క్, ట్రెక్ పార్కుకు కనెక్టివిటీ
- రోడ్లు, ఫుడ్కోర్టులు, షాపింగ్సెంటర్ల నిర్మాణం
- పీపీపీ పద్ధతిలో నిర్మించాలని హెచ్ఎండీఏ ప్లాన్
- సంస్థల నుంచి ఎక్స్ప్రెస్ఆఫ్ఇంట్రెస్ట్కు ఆహ్వానం
హైదరాబాద్సిటీ,వెలుగు : వెస్ట్ సిటీలో టూరిజం డెవలప్ చేసేందుకు హెచ్ఎండీఏ ప్లాన్స్వేస్తోంది. ఈ మేరకు ‘ వెస్ట్ హైదరాబాద్ టూరిజం సర్క్యూట్’ పేరుతో కొత్వాల్ గూడ ఎకో పార్క్, బాపుఘాట్, తారామతి –బారాదరి, చిలుకూరు ఫారెస్ట్ ట్రెక్ పార్కులను కలిపి ఒక సర్క్యూట్ గా ఏర్పాటు చేసి కనెక్టివిటీ అభివృద్ధి చేయాలని నిర్ణయించింది. ఈ ప్రాజెక్టును పీపీపీ (ప్రైవేట్పబ్లిక్ పార్ట్నర్ షిప్)పద్ధతిలో డెవలప్చేసేందుకు ఆసక్తి ఉన్న సంస్థలను ఎక్స్ప్రెస్ఆఫ్ఇంట్రస్ట్ పేరుతో ఆహ్వానిస్తూ నోటిఫికేషన్ జారీ చేసింది. ప్రాజెక్టును చేపట్టే సంస్థ డిజైన్, బిల్ట్, ఫైనాన్స్, ఆపరేట్ అండ్ ట్రాన్స్ఫర్(డీబీఎఫ్ఓటీ) పద్ధతిలో పనులు చేయాల్సి ఉంటుంది.
భూముల అప్పగింత, ఇతర మౌలిక సదుపాయాల కల్పన హెచ్ఎండీఏ చూసుకుంటుంది. ఈ ప్రాజెక్ట్ వల్ల రాబోయే రోజుల్లో హైదరాబాద్కు టూరిస్టుల తాకిడి మరింత పెరిగి ప్రభుత్వానికి భారీ ఆదాయం వస్తుందని హెచ్ఎండీఏ అధికారులు భావిస్తున్నారు.
వెస్ట్ హైదరాబాద్ టూరిజం సర్క్యూట్ ఇలా..
నగరంలోని లంగర్హౌస్నుంచి తారామతి బారాదరి 3.8 కి.మీ , బాపూఘాట్నుంచి కొత్తగూడ ఏకో పార్క్13.50 కి.మీ., హిమాయత్సాగర్నుంచి నార్సింగిలోని ట్రెక్ పార్క్7.5 కి.మీ , ఫారెస్ట్ట్రెక్పార్క్నుంచి తారామతి బారాదరి 6 కి.మీ కలిపి మొత్తం 31 కి.మీ. మేరకు రింగ్మాదిరిగా ఈ సర్క్యూట్నిర్మాణం జరగనున్నది. దీనివల్ల టూరిస్టులు ఈ నాలుగు ప్రాంతాలను ఈజీగా విజిట్చేసుకునే అవకాశం ఉంటుంది. సందర్శించేలా సర్క్యూట్ను నిర్మించనున్నారు.
ఈ ప్రాజెక్ట్లో భాగంగా ఆయా రూట్లలో కొత్త రోడ్లను నిర్మించడంతో పాటు టూరిస్టులను ఆకట్టుకునేందుకు షాపింగ్సెంటర్లు, ఫుడ్కోర్టులు, ఎంటర్టైన్మెంట్జోన్లు ఏర్పాటుచేస్తారు. రోడ్లు, షాపింగ్సెంటర్లు, ఫుడ్స్టాల్స్అన్నీ ఆకట్టుకునే రీతిలో సదరు సంస్థలే డిజైన్చేయాల్సి ఉంటుంది. దీనికి అవసరమైన వ్యయాన్ని భరించడం, నిర్వహణ బాధ్యతలు చూసుకోవడం, లీజుగడువు తీరిన తర్వాత తిరిగి ప్రభుత్వానికి అప్పగించేలా ఒప్పందాలు చేసుకోనున్నారు.
ప్రాజెక్టుకు అవసరమైన భూములను, ఆయా నిర్మాణాలకు అనుమతులు, ఇతర మౌలిక సదుపాయాల కల్పన అంతా హెచ్ఎండీఏ నిర్వహిస్తుంది. వరల్డ్క్లాస్ఎమినిటీస్తో పాటు టూరిస్టులను ఆకట్టుకునేలా సరికొత్త కాన్సెప్టులతో ఈ ప్రాజెక్టు అభివృద్ధి చేయబోతున్నామని, స్టాండర్డ్అండ్కస్టమైజ్డ్టూరిస్టు ప్యాకేజీలు కూడా అందుబాటులో ఉంటాయని హెచ్ఎండీఏ అధికారులు తెలిపారు.
