సికింద్రాబాద్, వెలుగు: బేగంపేట ఎయిర్పోర్టుకు సోమవారం బాంబుబెదిరింపు మెయిల్వచ్చింది. అప్రమత్తమైన అధికారులు పోలీసులు, డాగ్ స్క్వాడ్, బాంబు స్క్వాడ్ సిబ్బందితో కలిసి ముమ్మర తనిఖీలు నిర్వహించారు. చివరికి బాంబు లేదని తేలడంతో అంతా ఊపిరి పీల్చుకున్నారు. గుర్తుతెలియని ఆకతాయిలు కావాలనే బాంబు పెట్టినట్లు మెయిల్చేశారని పోలీసులు వెల్లడించారు.
గత వారంలో ఇలాగే బాంబు బెదిరింపు మెయిల్ రావడంతో అధికారులు తనిఖీలు చేపట్టారు. తాజాగా మరోసారి మెయిల్ రావడంతో ఎయిర్పోర్టులో భద్రతను మరింత కట్టుదిట్టం చేశారు. అయితే మెయిల్స్ ఎక్కడ నుంచి వస్తున్నాయి? ఎవరు పంపిస్తున్నారనే దానిపై పోలీసులు ఆరా తీస్తున్నారు.
