తగ్గేదెలా... హాలీవుడ్ నుంచి టెక్నీషియన్స్ ని దింపుతున్న కన్నడ హీరోలు..

కన్నడ స్టార్ హీరో యష్ ప్రస్తుతం టాక్సిక్ అనే సినిమాలో నటిస్తున్నాడు. ఈ సినిమాకి ప్రముఖ దర్శకురాలు గీతు మోహన్ దాస్ దర్శకత్వం వహిస్తుండగా కేవిఎన్ ప్రొడక్షన్స్ బ్యానర్ పై ప్రముఖ కన్నడ సినీ నిర్మాత కే నారాయణ నిర్మిస్తున్నాడు. 

ఈ సినిమాలో కరీనా కపూర్, నవాజుద్దీన్ సిద్దిక్, సంయుక్త మీనన్, ధనుంజయ్ తదితరులు ప్రధాన తారాగణంగా నటిస్తున్నారు. యాక్షన్ బ్యాక్ డ్రాప్ జోనర్లో తెరకెక్కిస్తున్న ఈ సినిమాపై భారీ అంచనాలు నెలకొన్నాయి. అయితే టాక్సిక్ సినిమాని ప్యాన్ ఇండియా భాషలలో రిలీజ్ చేసేందుకు చిత్ర యూనిట్ ప్లాన్ చేస్తున్నారు.

ALSO READ : వారిని పట్టిస్తే రూ.5 లక్షలు బహుమతి ఇస్తామంటున్న కన్నప్ప టీమ్..

దీనికోసం హాలీవుడ్ కి చెందిన టెక్నీషియన్స్ ని తీసుకొస్తున్నారు. అయితే టాక్సిక్ సినిమాలోని యాక్షన్ సన్నివేశాల చిత్రీకరణ కోసం హాలీవుడ్ యాక్షన్ డైరెక్టర్ జెజె పెర్రీ ని తీసుకొచ్చారు. ప్రస్తుతం ఈ సినిమా షూటింగ్ ముంబైఓలో జరుగుతోంది. ఈ క్రమంలో జెజె పెర్రీ ముంబై ఎయిర్ పోర్ట్ లో కొందరు అభిమానులతో మాట్లాడాడు. ఇందులో భాగంగా యష్ మంచి నటుడని, కచ్చితంగా యాక్షన్ సన్నివేశాలని అదరగొడతామని తెలిపాడు. గతంలో జెజె పెర్రీ హాలీవుడ్ లో జాన్ విక్, ఫాస్ట్ అండ్ ఫ్యూరియస్, మరియు డే షిఫ్ట్ తదితర చిత్రాలకి పనిచేశాడు.

హీరో యష్ కేజీయఫ్ సినిమాతో బ్లాక్ బస్టర్ హిట్ సొంతం చేసుకోవడమేకాకుండా కేజీయఫ్ 2 తో ఏకంగా రూ. 1000 మార్క్ ని అందుకున్నాడు. దీంతో సౌత్ మరియు నార్త్ లో హీరో యష్ మార్కెట్ బాగా పెరిగింది. నిర్మాతలు కూడా టాక్సిక్ సినిమా బడ్జెట్ లో అస్సలు కాంప్రమైజ్ కావడం లేదు.

అయితే నిన్నమొన్నటివరకూ సౌత్ కి పరిమితమైన కన్నడ సినిమాలు ఇప్పుడు నార్త్ లో కూడా మంచి కలెక్షన్లు రాబడుతున్నాయి. దీంతో కంటెంట్ బాగున్న సినిమాలని కొనేందుకు డిస్ట్రిబ్యూటర్లు ముందుకొస్తున్నారు. ఇదే అదునుగా చేసుకున్న కన్నడ హీరోలు కంటెంట్, మేకింగ్ విషయంలో కాంప్రమైజ్ కావడంలేదు. ఇటీవలే ప్రముఖ కన్నడ హీరో రిషబ్ శెట్టి కూడా పలు హాలీవుడ్ సినిమాలకి పనిచేసిన యాక్షన్ కొరియోగ్రాఫర్ టోడర్ లాజరోవ్ ని తీసుకొచ్చి కాంతార: చాప్తర్ 1 లోని యాక్షన్ సన్నివేశాలని తెరకెక్కిస్తున్నాడు.

The Hollywood action director #JJPerry—known for his work on films like John Wick, Fast and Furious, and Day Shift—arrives in Mumbai to direct action sequences for #Yash’s #ToxicTheMovie ❤️‍🔥 pic.twitter.com/2lc2u0Tn3o

— BA Raju's Team (@baraju_SuperHit) November 9, 2024