కన్నడ ప్రముఖ డైరెక్టర్ ప్రశాంత్ నీల్, యంగ్ రెబల్ స్టార్ ప్రభాస్ కాంబినేషన్ లో వచ్చిన సలార్ బ్లాక్ బాస్టర్ హిట్ అయ్యింది. ప్యాన్ ఇండియా భాషలలో రిలీజ్ అయిన ఈ సినిమా దాదాపుగా రూ.700 కోట్లు (గ్రాస్) కలెక్ట్ చేసింది. దీంతో సలార్ 2: శౌర్యంగ పర్వం పై భారీ అంచనాలు నెలకొన్నాయి. ప్రస్తుతం ప్రభాస్ ఇతర సినిమాలతో బిజీగా ఉండటంతో వచ్చే ఏడాది సలార్ 2 షూటింగ్ ప్రారంభం కానుంది.
అయితే కొరియన్ - అమెరికన్ నటుడు సూపర్ స్టార్ లీ డాంగ్-సియోక్ సోషల్ మీడియాలో షేర్ చేసిన స్టోరీ ప్రస్తుతం టాలీవుడ్ లో హాట్ టాపిక్ గా మారింది. డాన్ లీ సలార్ 2 పోస్టర్ ని తన అధికారిక ఇన్స్టాగ్రామ్ లో షేర్ చేశాడు. ఈ స్టోరీలో థంబ్స్ సింబల్ కూడా జోడించాడు. దీంతో సలార్ 2 లో డాన్ లీ కూడా నటిస్తున్నాడా అనే చర్చలు మొదలయ్యాయి.
అయితే గతంలో ప్రభాస్, సందీప్ రెడ్డి వంగా కాంబినేషన్ లో వస్తున్న స్పిరిట్ సినిమాలో డాన్ లీ కీలకపాత్రలో నటిస్తున్నట్లు పలు వర్తకు బలంగా వినిపించాయి. కానీ స్పిరిట్ సినిమా యూనిట్ మాత్రం ఈ విషయంపై స్పందించలేదు.
ఈ విషయం ఇలా ఉండగా హాలీవుడ్ లో డాన్ లీ నటించిన సినిమాలకి మంచి క్రేజ్ ఉంది. అలాగే యాక్షన్ సినిమాలతో డాన్ లీ మంచి క్రేజ్ ని కలిగి ఉన్నాడు. దీంతో డాన్ లీ క్రేజ్ ని క్యాష్ చేసుకుని హాలీవుడ్ లోకి ఎంటర్ అయ్యేందుకు టాలీవుడ్ డైరెక్టర్లు ప్లాన్ చేస్తున్నారనే ఊహాగానాలు వినిపిస్తున్నాయి.
