ఇండియా–పాకిస్తాన్‌ క్రికెట్‌ మ్యాచ్ వస్తుందంటే ఫ్యాన్స్‌ టీవీలకు అతుక్కుపోతుంటారు. అభిమానులతో స్టేడియం మొత్తం నిండిపోతుంది. ఇక వరల్డ్ కప్‌‌‌‌‌‌‌‌లో ఇండో–పాక్ మ్యాచ్‌‌‌‌‌‌‌‌కు ఉండే క్రేజే వేరు. మరోసారి దాయాదుల మధ్య హై వోల్టేజ్ సమరం అభిమానులకు కిక్ ఇవ్వడానికి సిద్ధంగా ఉంది. 2024 టీ20 ప్రపంచ కప్ లో భాగంగా భారత్- పాకిస్థాన్ జూన్ 9 న న్యూయార్క్ సిటీలో తలపడనున్నాయి. ఈ మ్యాచ్ కు న్యూయార్క్ లో హోటల్ ధరలు ఆకాశాన్ని అంటాయి.
ఇండో–పాక్ మ్యాచ్‌‌‌‌‌‌‌‌ను స్టేడియంలో చూడాలని ఆశిస్తున్న ఫ్యాన్స్‌‌‌‌‌‌‌‌కు చుక్కలు కనిపించనున్నాయి. మ్యాచ్ కోసం ఇతర ప్రాంతాల నుంచి న్యూయార్క్ వెళ్లాలనుకునే వారి జేబులకు చిల్లులు పడుతున్నాయి. ఇక్కడ హోటల్ ధరలు సాధారణ రోజులతో పోల్చుకుంటే 7 రెట్లు పెరిగాయి. సాధారణ రోజుల్లో ఒక రాత్రికి రూ. 9422 ఉంటే..భారత్, పాక్ మ్యాచ్ రోజున జూన్ 9 న రూ. 66624 గా ఉంది. భారత్ పాక్ మ్యాచ్ కు డిమాండ్ ఉండడం సహజమే. కానీ ఇంత భారీ మొత్తంలో ఉండడం ఆశ్చర్యానికి గురి చేస్తుంది.
జూన్ 1 నుంచి 29 వరకు ఈ పొట్టి సమరం జరగనుంది. భారత్ మ్యాచ్ ల విషయానికి వస్తే ఐర్లాండ్ తో జూన్ 5 న తొలి మ్యాచ్ ఆడనుంది. అందరూ ఎంతగానో ఎదురు చూస్తున్న భారత్, పాకిస్థాన్ జట్లు జూన్ 9 న న్యూయార్క్ సిటీలో తలపడనున్నాయి. 2022 టీ20 వరల్డ్ కప్ లో ఇండో,పాక్ పోరు ఏ రేంజ్ లో జరిగిందో ప్రత్యేకంగా చెప్పాల్సిన అవసరం లేదు. మెల్బోర్న్ లోని 90000 మంది ప్రేక్షకుల మధ్యలో జరిగిన ఈ మ్యాచ్ ను విరాట్ కోహ్లీ వీరోచిత ఇన్నింగ్స్ తో టీమిండియాను గెలిపించాడు.
