న్యూఢిల్లీ: మన దేశంలోని టాప్–8 నగరాల్లో గత ఏడాది ఇండ్ల అమ్మకాలు 9 శాతం పెరిగాయని రియల్ఎస్టేట్ కన్సల్టెన్సీ నైట్ఫ్రాంక్ ప్రకటించింది. వడ్డీ రేట్లు నిలకడగా ఉండటం, ఎకనమిక్ గ్రోత్ బాగుండటంతో ఇండ్ల అమ్మకాలు ఏళ్ల గరిష్టానికి చేరాయి. మొత్తం 3,50,613 యూనిట్లు అమ్ముడయ్యాయి. రూ.2–5 కోట్ల మధ్య ధర గల ఇండ్లకు భారీ గిరాకీ ఉందని తెలిపింది. అమ్మకాల్లో హైదరాబాద్, పుణేలు ఆల్టైం హైకి చేరుకున్నాయి. ముంబై 13 ఏళ్ల గరిష్టానికి చేరుకుంది.
ఇదిలా ఉంటే, హైదరాబాద్లో గత ఏడాది జులై–డిసెంబరులో ఆఫీస్లావాదేవీలు ఏడాది ప్రాతిపదికన 17 శాతం పెరిగి 10.3 మిలియన్ల చదరపు అడుగులుగా నమోదయ్యాయని నైట్ఫ్రాంక్ తెలిపింది. 2024లో రెసిడెన్షియల్ మార్కెట్ ఏడాది ప్రాతిపదికన 12 శాతం పెరిగిందని, 36,974 యూనిట్లు అమ్ముడయ్యాయని వెల్లడించింది.
