- ఎవరూ ఆత్మహత్యలు చేసుకోవద్దు
- రింగ్రోడ్డు, మాస్టర్ ప్లాన్లన్నీ స్కాంలే
- బీఎస్పీ రాష్ట్ర అధ్యక్షుడు ఆర్ఎస్ ప్రవీణ్కుమార్
కాగ జ్ నగర్, వెలుగు: ప్రభుత్వ తీరుతో పోలీసు అభ్యర్థులు మనోవేదనకు గురై ఆత్మహత్యలు చేసుకుంటున్నారని బీఎస్పీ రాష్ట్ర అధ్యక్షుడు ఆర్ఎస్ ప్రవీణ్కుమార్ఆవేదన వ్యక్తం చేశారు. బహుజన రాజ్యాధికార యాత్రలో భాగంగా కొమురంభీం ఆసిఫాబాద్ జిల్లా సిర్పూర్ నియోజకవర్గంలోని కౌటాల, సిర్పూర్(టి) మండలాల్లో ఆయన పర్యటించారు. ఈ సందర్భంగా విలేకరులతో మాట్లాడుతూ మంచిర్యాల జిల్లా నెన్నెల మండలంలో రాజ్కుమార్ అనే యువకుడు సూసైడ్ చేసుకోవడం బాధ కలిగించిందన్నారు. కేసీఆర్ మెడలు వంచి న్యాయం జరిగేలా పోరాడుదామని, అంతే తప్పా ఎవరు ఆత్మహత్యలు చేసుకోవద్దని పిలుపునిచ్చారు. సీఎం కేసీఆర్, ఆయన మంత్రులు, ఎమ్మెల్యేలు ఊరకలేరని, నడవలేరని వాళ్లకు అభ్యర్థుల గోస ఎలా తెలుస్తుందన్నారు. రీజినల్ రింగు రోడ్డు మాస్టర్ ప్లాన్లన్నీ స్కాంలేనని, ఎమ్మెల్యే, మంత్రుల భూములకు రేట్లు రావడం కోసమే అలైన్మెంట్ మారుస్తున్నారన్నారు.
ప్రజల సమస్యలు పట్టని ప్రగతిభవన్ సీఎం కేసీఆర్ ఒక్కరోజు కూడా సెక్రటేరియట్లో అడుగు పెట్టలేదని, అట్లాంటప్పుడు ఎందుకు రూ.1200 కోట్లు ఖర్చు చేసి కొత్త సెక్రటేరియేట్కడుతున్నారని ప్రశ్నించారు. దానికి ఏడాది పొడవున 300 మంది పోలీసులతో కాపలా ఎందుకన్నారు. సీఎంకు బహుజనులంటే గిట్టదని, అందుకే తుమ్మిడిహెట్టి ప్రాణహిత ప్రాజెక్టు రీ డిజైన్పేరుతో కాళేశ్వరానికి తరలించుకుపోయాడన్నారు. ఎమ్మెల్యే కోనేరు కోనప్ప బీఎస్పీ భయంతో మీటింగ్లు పెట్టుకొని కార్యకర్తలను మచ్చిక చేసుకుంటున్నారన్నారు. తర్వాత 317 జీఓ బాధితులకు సంఘీభావం తెలిపారు. బీఎస్పీ రాష్ట్ర కార్యదర్శి సిడాం గణపతి, నియోజకవర్గ కన్వీనర్ హర్షద్ హుస్సేన్, అసెంబ్లీ అధ్యక్షుడు రాంప్రసాద్, సెక్రెటరీ ప్రవీణ్
పాల్గొన్నారు. .
