న్యూయార్క్: ఎలన్ మస్క్ ట్విట్టర్ను కొన్నాక చాలా మార్పులు తెచ్చారు. ఇందులో ముఖ్యమైనది మానిటైజేషన్ ఫీచర్. దీంతో యూజర్లు తమ కంటెంట్ ద్వారా డబ్బు సంపాదించవచ్చు. ఆసక్తికర సమాచారం, వీడియోలను అప్లోడ్ చేయడం ద్వారా డబ్బులు సంపాదించడానికి ట్విట్టర్ అవకాశం కల్పిస్తోంది. మస్క్ కూడా తన అధికారిక ట్విట్టర్ ఖాతా ద్వారా భారీగా సంపాదిస్తున్నారు. అమెరికాలో ట్విటర్ సబ్‌‌‌‌స్క్రిప్షన్ ధర నెలకు డాలర్లు 4.99.
ఇది ఇండియన్ కరెన్సీలో దాదాపు రూ. 408. ఇందులో యాపిల్ ఇన్ యాప్ పర్చేజ్, ట్విట్టర్ రెవెన్యూ షేరు పోను, ఒక్కో సబ్స్క్రయిబర్కు 3.39 డాలర్ల చొప్పున కంటెంట్ క్రియేటర్కు చెల్లిస్తారు. ఈ లెక్కన చూస్తే, ట్విట్టర్‌‌‌‌లో 24,700 సబ్‌‌‌‌స్క్రయిబర్లు ఉన్న మస్క్ నెలకు రూ.68,42,000 వరకు సంపాదిస్తున్నారు. అంటే టెస్లా చీఫ్ తన వ్యక్తిగత ట్విట్టర్ ఖాతా ద్వారా సంవత్సరానికి దాదాపు రూ.8.2 కోట్లు సంపాదిస్తున్నాడు. ఒక్కో యూజర్ నుంచి రూ.277 తీసుకుంటున్నారు. మస్క్ ట్విట్టర్ బాస్ అయ్యాక బ్లూటిక్స్కు నెలకు కొంత మొత్తం చార్జ్ చేస్తున్నారు.
