చాలామందికి రెండు మూడు జీ–మెయిల్ అకౌంట్లు ఉంటాయి. అయితే, వాటిలో ఒకటో రెండో మాత్రమే ఎక్కువగా ఉపయోగిస్తారు. దాంతో వాడని అకౌంట్ని డిలిట్ చేస్తే బాగుంటుంది అనుకుంటారు. కానీ, అలాచేస్తే గూగుల్ అకౌంట్ సెట్టింగ్స్, ఇతర ఇ–మెయిల్స్ పూర్తిగా పోతాయేమోననే భయం వేస్తుంది. అయితే, జీ–మెయిల్ అకౌంట్ని మాత్రమే డిలిట్ చేయాలంటే....ముందుగా జీ–మెయిల్ అకౌంట్లోకి సైన్ఇన్ కావాలి. కుడివైపు పైన కనిపించే సెట్టింగ్స్ ఆప్షన్లో అకౌంట్ని సెలక్ట్ చేసుకోవాలి. తర్వాత డేటా, ప్రైవసీ మెనూలోకి వెళ్లి, ‘డేటా ఫ్రమ్ యాప్స్, సర్వీసెస్ యు యూజ్’ ట్యాబ్ని ఎంచుకోవాలి. ఇప్పుడు ‘డౌన్లోడ్ ఆర్ డిలిట్’ ఆప్షన్లో జీ–మెయిల్ని సెలక్ట్ చేసి, డిలిట్బటన్ నొక్కాలి. తర్వాత ఆల్టర్నేట్ జీ–మెయిల్ ఎంటర్ చేసి, ‘సెండ్ వెరిఫికేషన్ ఇమెయిల్’ ఆప్షన్ ఎంచుకోవాలి. ఆల్టర్నేట్ ఇ–మెయిల్ ఓపెన్ చేసి, డిలిట్ లింక్పై క్లిక్ చేయాలి. ఇప్పుడు డిలిట్ చేయాలనుకున్న జీ–మెయిల్కి లాగిన్ అయ్యి, ‘ఎస్, ఐ వాంట్ టు డిలిట్ దిస్ ఇ–మెయిల్’ అప్షన్పై క్లిక్ చేసి, కన్ఫామ్ బటన్ నొక్కితే ఇ–మెయిల్ అకౌంట్ డిలిట్ అవుతుంది.
