సిస్టమ్లో లేదా లాప్ ట్యాప్లో ఏదైనా ఒక వెబ్ సైట్ ఓపెన్ చేసి ఆర్టికల్/ న్యూస్ చదువుతున్నప్పుడు మధ్యలో ఎలాంటి డిస్టర్బెన్స్ ఉండకూడదు. అలా డిస్టర్బ్ అయితే చదివే దానిపై ఆసక్తి కోల్పోవడం సహజం. అయితే, కొన్ని వెబ్ సైట్లు ఓపెన్ చేస్తే ఆటోమెటిక్గా యాడ్ వీడియోనో, ఆడియోనో ప్లే అవుతూ ఉంటుంది.
అలాంటప్పుడు కాన్సన్ట్రేషన్ దెబ్బతినొద్దంటే.. వెంటనే బ్రౌజర్ ట్యాబ్ మీద రైట్ క్లిక్ చేయాలి. డ్రాప్ డౌన్ మెనూలో మ్యూట్ ట్యాబ్ లేదా మ్యూట్ సూట్ అనే ఆప్షన్ను ఎంచుకుంటే సరి. ఎలాంటి సౌండ్స్ వినిపించవు. కొన్ని బ్రౌజర్లలో ట్యాబ్ మీద మైక్రోఫోన్ ఆప్షన్ కూడా ఉంటుంది. దీన్ని క్లిక్ చేస్తే సౌండ్ ఆగిపోతుంది. ఇక నుంచి ఈ టిప్ ఫాలో అయిపోండి.
