దేశవ్యాప్తంగా దాదాపు 20 కోట్ల మందికి పైగా రోజూ వాట్సాప్ వాడుతున్నారు. అయితే వాట్సాప్లో ఫేక్ న్యూస్, ప్రైవసీ వంటి సమస్యలున్నాయని నిపుణులు చెప్తున్నారు. ఇలాంటి వాటికి చెక్ పెట్టేందుకు వాట్సాప్ ఎప్పటికప్పుడు కొత్త ఫీచర్లతో ముందుకొస్తోంది. ప్రైవసీ ఫీచర్స్ యాడ్ చేస్తూ వస్తోంది. మీరూ ఈ ప్రైవసీ సెట్టింగ్స్ సెట్ చేసుకుంటే మీ వాట్సాప్ డేటాను కొంతవరకు సెక్యూర్గా ఉంచుకోవచ్చు.
| వాట్సాప్లో ‘టు స్టెప్ వెరిఫికేషన్’ ఫీచర్ ఉంది. ఇది మీ అకౌంట్ సెక్యూరిటీకి ఉపయోగపడుతుంది. కొన్నిసార్లు ఇతరులు మీ వాట్సాప్ను యాక్సెస్ చేసే వీలుంది. ముఖ్యంగా మీకు దగ్గరగా ఉండే సన్నిహితులే మీకు తెలియకుండా వాట్సాప్ చూడొచ్చు. ఇతరులు మీ వాట్సాప్ సమాచారం తెలుసుకోవాలనుకుంటే వాళ్ల ఫోన్వాట్సాప్లో మీ మొబైల్ నంబర్ ఎంటర్ చేస్తే మీ నంబర్కు ఓటీపీ వస్తుంది. మీరు మొబైల్ పక్కన లేని సమయంలో ఓటీపీ తెలుసుకోవడం పెద్ద కష్టం కాకపోవచ్చు. ఇలా చేసి, మీ వాట్సాప్ అకౌంట్ను వాళ్లు యాక్సెస్ చేస్తారు.
దీంతో మీ చాటింగ్ సమాచారం అంతా తెలుసుకోగలుగుతారు. దీనికి చెక్ పెట్టాలంటే ‘టు స్టెప్ వెరిఫికేషన్’ సెట్ చేసుకోవాలి. అంటే సిక్స్ డిజిట్ పిన్ సెట్ చేసుకోవాలి. దీనివల్ల వాట్సాప్ను యాక్సెస్ చేయాలంటే ఓటీపీతోపాటు, పిన్ కూడా అవసరం. ఇది మీకు మాత్రమే తెలుస్తుంది కాబట్టి, ఇతరులు అంత సులభంగా కనిపెట్టలేరు. దీనికోసం ‘వాట్సాప్’లో సెట్టింగ్స్లోకి వెళ్లి, అకౌంట్> టు స్టెప్ వెరిఫికేషన్ > ఎనేబుల్’ చేసుకోవాలి. అప్పుడు సిక్స్ డిజిట్ పిన్సెట్ చేసుకుని, ఈ–మెయిల్ ఐడీ ఎంటర్ చేయాలి. అంతే ‘టు స్టెప్ వెరిఫికేషన్ పిన్’ సెట్ అయినట్లే. |
ఫేస్బుక్లోలాగా ప్రొఫైల్ ఫొటోను ఎవరూ సేవ్ చేసుకోవడం లేదా స్క్రీన్ షాట్ తీసుకోకుండా చేసే స్క్రీన్గార్డ్ ఫీచర్వాట్సాప్లో లేదు. దీంతో ఎవరైనా ప్రొఫైల్ పిక్చర్ను సేవ్ చేసుకోవడమో, స్క్రీన్ షాట్తీసుకోవడమో చేయొచ్చు. దీన్ని పూర్తిగా ఆపలేకపోయినా, కాంటాక్ట్లో ఉన్న వాళ్లకు మాత్రమే ప్రొఫైల్ఫొటో కనిపించేలా చేయొచ్చు. ఇందుకు సెట్టింగ్స్లోకి వెళ్లి> ప్రైవసీ> ప్రొఫైల్ఫొటోస్ క్లిక్చేస్తే ‘ఎవ్రీవన్, మై కాంటాక్ట్స్, నోబడీ’ అనే ఆప్షన్స్ కనిపిస్తాయి. మీ ప్రొఫైల్ ఫొటో ఎవరికీ కనిపించకూడదు అనుకుంటే ‘నోబడీ’, మీ కాంటాక్ట్స్లో వాళ్లకు మాత్రమే కనిపించాలంటే ‘మై కాంటాక్ట్స్’ సెలెక్ట్ చేసుకోండి. ఒకవేళ మీ ఫోన్ పోతే వేరేవాళ్లు వాట్సాప్ వాడకుండా ఉండాలంటే వాట్సాప్ సపోర్ట్ కు ‘లాస్ట్/స్టోలెన్: ప్లీజ్ డీ యాక్టివేట్ మై అకౌంట్’ మెయిల్ చేయాలి.ఇంటర్నేషనల్ ఫార్మాట్లో మీ ఫోన్ నెంబర్ పంపించాలి. వెంటనే వాట్సాప్ అకౌంట్ డీ యాక్టివేట్ అవుతుంది.
