వాట్సాప్ అనేది కేవలం చాట్, వీడియోలు, ఫొటోలు పంపుకోవడం, వీడియో కాల్ మాట్లాడడం వంటివాటికి ఎక్కువగా వాడతారు. దాంతోపాటు ఫ్రెండ్స్కి జోక్స్ షేర్ చేయడం నుంచి ఆఫీస్ డాక్యుమెంట్స్ వరకు.. ఎన్నో పనులకు ఉపయోగిస్తుంటారు. మరి అలాంటప్పుడు సేఫ్టీ అనేది చాలా ఇంపార్టెంట్. అందుకే యూజర్లకు సేఫ్ స్పేస్ క్రియేట్ చేయడమే లక్ష్యంగా పెట్టుకుంది ఆ కంపెనీ. మోసపూరితమైన లేదా అనుమానాస్పదమైన మెసేజ్లకు అడ్డుకట్ట వేసేందుకు ట్రై చేస్తోంది. స్పామ్ మెసేజ్ లేదా ఫోన్ కాల్స్ వంటివి వస్తే వాట్సాప్ యూజర్ కాంటాక్ట్లో ఆ నెంబర్ లేకపోతే అది స్పామ్ అని తెలుసుకోవచ్చు.
స్పామ్ మెసేజ్ల్లో చాలావరకు పర్సనల్ లేదా ఫైనాన్షియల్ ఇన్ఫర్మేషన్ తెలుసుకునేందుకు ట్రై చేస్తారు. లేదా తప్పుడు సమాచారాన్ని ప్రచారం చేస్తుంటారు. ఇలాంటి మోసాలు ఎప్పుడైనా, ఎవరికైనా జరగొచ్చు. కాబట్టి ఇలాంటి మోసాలను పసిగట్టి, యూజర్లను సేఫ్ జోన్లో ఉంచేందుకు వాట్సాప్ ఇచ్చే సూచనలు ఇవి.
పసిగట్టండి ఇలా..
- యూజర్లు ఇలాంటి స్పామ్ కాల్స్, మెసేజ్లకు చిక్కుకోకుండా ఉండాలంటే ఈ క్లూలు గుర్తుపెట్టుకోవాలి.
- గ్రామర్ లేదా స్పెల్లింగ్ మిస్టేక్స్ ఉంటాయి.
- లింక్ మీద ట్యాప్ చేస్తే కొత్త ఫీచర్ యాక్టివేట్ అవుతుందని చెప్తారు లేదా యాప్ డౌన్లోడ్ చేసుకోమంటారు.
- పర్సనల్ ఇన్ఫర్మేషన్ చెప్పమంటారు. అంటే.. క్రెడిట్ కార్డ్ లేదా బ్యాంక్ అకౌంట్ నెంబర్, బర్త్ డేట్, పాస్వర్డ్ వంటివి.
- మెసేజ్ను ఫార్వార్డ్ చేయమంటారు.
- డబ్బులు అడుగుతారు లేదా వాట్సాప్ పే నుంచి డబ్బు కట్టమంటారు.
- లాటరీ, గ్యాంబ్లింగ్, జాబ్, ఇన్వెస్ట్మెంట్, లోన్ వంటి మెసేజ్లు వస్తాయి.
- పర్సనల్ ఇన్ఫర్మేషన్ అడగకుండానే.. నమ్మకం కుదిరే వరకు చాట్ చేస్తుంటారు.
కాంటాక్ట్స్లో లేని నెంబర్ నుంచి ఏదైనా మెసేజ్ వస్తే.. దానికి ఎలా రెస్పాండ్ అవ్వాలనేది మెసేజ్ మీద సిగ్నల్స్ చూపిస్తుంది వాట్సాప్. ఆ సిగ్నల్స్ ఏంటంటే.. యువర్ కాంటాక్ట్, గ్రూప్స్ ఇన్ కామన్, ఫోన్ నెంబర్ వేరే దేశంలో రిజిస్టర్ అయి ఉంటే దానికి సంబంధించిన సిగ్నల్ ఉంటుంది. అప్పుడు వాళ్లను కాంటాక్ట్లో యాడ్ చేయాలో, బ్లాక్ లేదా రిపోర్ట్ చేయాలో డిసైడ్ అవ్వొచ్చు.
మెసేజ్ వచ్చినప్పుడు సౌండ్ అనుమానించే విధంగా ఉంటే.. ట్యాప్ లేదా షేర్ లేదా ఫార్వార్డ్ చేయొద్దు. ఒకవేళ అలాంటి స్పామ్ మెసేజ్లు వస్తే.. ముందు ఆ లింక్ దేని గురించో చూడాలి. అది చట్టబద్ధమైనదిగా కనిపించినా స్పామ్ అనిపిస్తే దాన్ని ఓపెన్ చేయొద్దు. హెల్ప్ సెంటర్లో అనుమానంగా ఉన్న ఫైల్స్ గురించి మరింత సమాచారం తెలుసుకోవాలి.
అలాగే ఎవరి నుంచి ఆ మెసేజ్ వచ్చిందో తెలియకపోతే దాన్ని ఫార్వార్డ్ చేయొద్దు. దానివల్ల తప్పుడు సమాచారం ఎక్కువమందికి వెళ్లకుండా అడ్డుకోవచ్చు.
ఒకవేళ అది తెలిసిన వాళ్ల నెంబర్ అయితే ఆ విషయం కన్ఫర్మ్ చేసుకునేందుకు పర్సనల్ క్వశ్చన్స్ లేదా ఐడెంటిటీ వంటివి అడగాలి. ఇంకా నమ్మకం కుదరకపోతే వాయిస్ లేదా వీడియో కాల్ చేయమని అడగాలి.
ఇవన్నీ ఎందుకు అనుకుంటే ఆ నెంబర్ని రిపోర్ట్ లేదా బ్లాక్ చేస్తే సరిపోతుంది. తర్వాత మెసేజ్ను డిలీట్ చేయాలి. వాట్సాప్ వాడడానికి ఎలాంటి ఫీజు కట్టాల్సిన అవసరం లేదు. ఇది పూర్తిగా ఫ్రీ యాప్ అని గుర్తుపెట్టుకోవాలి.
