ఈ మధ్య ఎలక్ట్రానిక్ వేస్ట్ అనేది బాగా పెరిగిపోతోంది. ఎనిమిదేండ్ల క్రితంతో పోలిస్తే గ్లోబల్గా 21 శాతం ఎలక్ట్రానిక్ వేస్ట్ పెరిగిపోయింది. ఇందులో ఫోన్స్ వంటివి ఎక్కువగా ఉంటున్నాయట. అందుకని కొత్త గాడ్జెట్ చేతికి రాగానే పాత గాడ్జెట్స్ ఏం చేస్తున్నాం అనే విషయాన్ని ఒకసారి ఆలోచించుకోవాలి. పాత ఫోన్లు, ల్యాప్టాప్స్, కెమెరాలను డొమెస్టిక్గా ఎన్నిరకాలుగా వాడొచ్చో తెలిస్తే ఆశ్చర్యం అనిపిస్తుంది.
స్మార్ట్ ఫోన్ని సెక్యూరిటీ కెమెరాగా మార్చుకోవచ్చు. ఈ సెటప్ కోసం ఒక ట్రైపాడ్ లేదా మౌంట్ అవసరం. కెమెరా కోసం అవసరమైన యాప్ ఇన్స్టాల్ చేసుకుంటే చాలు. ఇదే సూత్రం ట్యాబ్లెట్స్కు కూడా వర్తిస్తుంది. కాకపోతే ట్యాబ్లెట్ పెద్ద సైజ్లో ఉంటుంది. కాబట్టి దాన్ని పొజిషన్ చేసేటప్పుడు కాస్త జాగ్రత్తగా ఉండాలి. ఈ మధ్య వస్తున్న చాలా ఫోన్లు, ట్యాబ్లెట్స్ వాటర్ ఫ్రూఫ్. కాబట్టి వీటిని అవుట్డోర్స్లో కూడా పెట్టుకోవచ్చు. కాకపోతే ఎప్పుడూ పవర్ సప్లయ్ ఉండేలా చూసుకోవాలి.
పాత ఫోన్, ట్యాబ్లెట్ను మీడియా రిమోట్లా వాడొచ్చు. వైర్లెస్ మీడియా స్ట్రీమింగ్కు బోలెడు మార్గాలు ఉన్నాయి. యాపిల్ ఎయిర్ప్లే, గూగుల్ క్రోమ్కాస్ట్ సిస్టమ్ వాటిలో కొన్ని. ఇవేకాకుండా కొన్ని యాప్స్ స్పీకర్స్తో పాటు ఎన్నో సౌకర్యాలను ఇస్తున్నాయి. ఇవి ఉంటే పాత ఫోన్ లేదా ట్యాబ్లెట్ను మీడియా రిమోట్ లేదా హబ్గా వాడుకోవచ్చు. పాత ఐపాడ్ను యాపిల్ టీవీతో జత చేస్తే షోస్, సినిమాలు చూడొచ్చు. అదే పాత ఆండ్రాయిడ్ ట్యాబ్లెట్ను క్రోమ్కాస్ట్ డాంగిల్తో కలిపితే స్పోటిఫై లేదా యూట్యూబ్ స్ట్రీమింగ్ చేసుకోవచ్చు. ఇలాచేయడం వల్ల మీ కొత్త ఫోన్ బ్యాటరీ లైఫ్ సేవ్ చేసుకోవచ్చు. ఇంట్లో ఉన్న వాళ్లంతా ఈ డివైస్ వాడి వాళ్లకి నచ్చింది చూసేయొచ్చు. అప్పుడు లాగిన్స్ లేదా లాక్ స్క్రీన్స్ బాధలు ఉండవు కదా!
పాత ల్యాప్టాప్ను మీడియా సెంటర్గా చేస్తే వీడియోలు చూడొచ్చు. మ్యూజిక్ వినొచ్చు. దీనివల్ల కొత్త ల్యాప్టాప్లో హార్డ్డ్రైవ్ స్పేస్ చాలావరకు ఫ్రీగా ఉంటుంది. ప్లెక్స్ లేదా కోడి వంటి సాఫ్ట్వేర్స్ ఈ టాస్క్కు బాగా ఉపయోగపడతాయి. ఇంట్లోనే కాకుండా ఇంటి బయట కూడా ఈ డివైస్ పనిచేస్తుంది. లేదంటే యాపిల్ ఇచ్చే మ్యాక్ ఓఎస్ మ్యూజిక్, టీవీ యాప్స్ కూడా వాడొచ్చు. వైర్లెస్ స్ట్రీమింగ్ ప్రొటోకాల్ ఇందులో సెటప్ చేసేందుకు ఎక్కువ కష్టపడాల్సిన అవసరం కూడా లేదు.
పాత డిజిటల్ కెమెరాను వెబ్ క్యామ్ చేసేయండి. ఎంతో ఖరీదు పెట్టి కొనుక్కున్న డీఎస్ఎల్ఆర్ కెమెరాను కొత్త మోడల్ రావడం వల్ల పక్కన పెట్టాల్సి వస్తే కనుక దాన్ని వెబ్ క్యామ్గా వాడొచ్చు. నిజానికి చాలా ల్యాప్టాప్లు వెబ్క్యామ్తో వస్తాయి. కానీ స్ట్రీమ్ వీడియోను హైక్వాలిటీలో ఇవ్వాలంటే ఈ టెక్నిక్ బాగా పనిచేస్తుంది. సోనీ, కెనాన్, ఫుజిఫిల్మ్ వంటి కెమెరా కంపెనీలు సాఫ్ట్వేర్ ఎనేబుల్ చేస్తున్నాయి. అందుకు అఫీషియల్ టూల్స్ ఉన్నాయి. గోప్రోలో ఇందుకోసం ఒక ప్రోగ్రామ్ కూడా ఉంది.
పాత ఫోన్ లేదా ట్యాబ్లెట్ను ఇ–రీడర్గా మార్చేయొచ్చు. ఆండ్రాయిడ్, ఐఓఎస్ల్లో ఉన్న కిండల్, కోబో యాప్స్ను ఇ–బుక్స్ చదివేందుకు కొనొచ్చు. ఈ రెండు యాప్స్ ఆడియో బుక్స్కు సపోర్ట్ చేస్తాయి. అదేకాకుండా టెక్స్ట్, ఆడియో రెండింటికీ పనిచేస్తాయి. ఫిజికల్ కిండల్, కోబో ఇ–రీడర్ కావాలనుకున్నా కూడా వాటిని ఫోన్ లేదా ట్యాబ్లెట్తో ఈజీగా సింక్ చేసేయొచ్చు.
నిజానికి ఇ–రీడింగ్ వల్ల ఫోన్ లేదా ట్యాబ్లెట్స్ బ్రైట్ స్క్రీన్ కళ్లకు ఇబ్బందిగా ఉంటుంది. ఆ సమస్యను ఫిక్స్ చేయాలంటే స్టాక్ ఆండ్రాయిడ్ ఫీచర్ నైట్ లైట్ ఆన్ చేసుకోవాలి. అదే ఐఓఎస్లో అయితే నైట్ షిఫ్ట్ అనే ఫీచర్ ఎనేబుల్ చేసుకోవాలి. ఈ ఫీచర్స్ బ్లూ లైట్ ప్రభావం కళ్ల మీద తక్కువ పడేలా చేస్తాయి.
మీ ఫోన్లో ఉన్న ఫొటోలను సంవత్సరంలో ఎన్నిసార్లు చూసుకుని ఉంటారు ఒకసారి గుర్తుతెచ్చుకోండి. ఏందో ఒకట్రెండుసార్లు కదా! మీకు బాగా నచ్చిన ఫొటోలు మీ కళ్ల ముందే ఉండాలంటే పాత ట్యాబ్లెట్ను ఫొటో ఫ్రేమ్గా చేసేయండి. ఇంట్లో లేదా ఆఫీసులో దాన్ని పెట్టుకోవచ్చు. కాకపోతే పవర్సప్లయ్ కోసం ప్లగ్ పాయింట్ ఉండాలి. ఇందుకు ఫోటో(Fotoo) అనే సాఫ్ట్వేర్ కావాలి. ఆండ్రాయిడ్ ట్యాబ్లెట్స్కి బెస్ట్ ఆప్షన్ ఇది. ఒకవేళ పాత ఐపాడ్ వాడుతుంటే కనుక లైవ్ఫ్రేమ్ అవసరం. ఫొటో డిస్ప్లే కోసం ఇవేకాకుండా ఇంకా బోలెడు ఆప్షన్స్ ఉన్నాయి.
ఓల్డ్ ల్యాప్టాప్ను డంపింగ్ గ్రౌండ్గా వాడొచ్చు తెలుసా! ఇంట్లో ఉన్న వేరే కంప్యూటర్ లేదా డివైస్ల నుంచి ఏ రకమైన ఫైల్స్ అయినా ఇందులో యాక్సెస్ చేసుకోవచ్చు. విండోస్, మాక్ ఓఎస్ రెండింటిలో హోం నెట్వర్క్ కాన్ఫిగరేషన్ ఈజీ అవుతుంది. పాత ల్యాప్టాప్ల హార్డ్ డ్రైవ్కి కనెక్ట్ అయిన కంప్యూటర్లలో విజిబుల్గా ఉంటుంది.
