నగలు పాడవకుండా.. మెరుగు పోకుండా చూసుకోవాలి.. లేకపోతే ఏ మాత్రం అశ్రద్ధ చేసినా నగ మెరుపుతోపాటు వాటి విలువ కూడా తగ్గుతుంది. కాబట్టి నగల విషయంలో ఈ జాగ్రత్తలు తప్పక తీసుకోవాలి.
>>> అలంకరణ మొత్తంలో ధరించే చివరిది.. తొలగించే వాటిలో మొదటిది మీ నగ అయి ఉండాలి.
>>> అలసిపోయే పనులు చేసే సమయంలో నగలు ధరించకపోవటమే ఉత్తమం. చెమట, చర్మం మీద ఉండే సహజ సిద్ధమైన నూనెలు.. నగల మెరుపును పోగొడతాయి.
>>> నగలను క్రమం తప్పక శుభ్రం చేస్తూ ఉండాలి. ఇందుకోసం ఒక వంతు మైల్డ్ క్లీనర్‌‌కు రెండొంతుల నీళ్లు కలిపి, దాన్లో మెత్తని టూత్ బ్రష్ ముంచి నగలను రుద్దాలి.
>>> నురగొచ్చేలా నగల్ని రుద్దకూడదు. ఇలా చేస్తే సబ్బు గొలుసుల్లో.. పొదిగిన రాళ్ల అడుగున పేరుకుంటుంది.
>>> రాళ్లు వదులయ్యాయేమో చూసుకుంటూ.. రాళ్లను పట్టి ఉంచే తొడిమలు విరిగిపోయాయేమో గమనించుకుంటూ.. నగలను ఎప్పటికప్పుడు సరి చేయించుకుంటూ ఉండాలి.
>>> చల్లని నీళ్లు, చల్లని వాతావరణంలో ఉంగరాలు ధరించకపోవటమే మేలు. చల్లని వాతావరణానికి చేతి వేళ్లు కుంచించుకుపోతాయి. దాంతో వేలికున్న ఉంగరాలు వదులై జారి పడిపోయే ప్రమాదం ఉంది.
మీ నగల విషయంలో ఈ జాగ్రత్తలు తీసుకుంటూ.. ఇంట్లోనే మీ నగలను శుభ్రం చేసుకోవచ్చు.
=== V6 వెలుగు లైఫ్
ALSO READ | Winter Health : ఇంట్లోకి చలిగాలి రాకుండా.. వెచ్చదనం కోసం ఈ జాగ్రత్తలు తీసుకోండి..!
