వెలుగు, బషీర్ బాగ్ : సంక్రాంతి వరుస సెలవుల నేపథ్యంలో సిటీ జనం నుమాయిష్ కు క్యూ కట్టారు. నాంపల్లి ఎగ్జిబిషన్ గ్రౌండ్స్ లో ఏర్పాటు చేసిన 84వ నుమాయిష్ కు సోమవారం 75,250 మంది, మంగళవారం 76,500 మంది, బుధవారం 69,300 మంది సందర్శించినట్లు ఎగ్జిబిషన్ సొసైటీ ఉపాధ్యక్షుడు నిరంజన్ తెలిపారు. ఎగ్జిబిషన్ లోని ప్రతి స్టాల్ జనసంద్రంగా కనిపించింది. గ్రౌండ్స్ లో ఏర్పాటు చేసిన మినీ ట్రైన్ ఎక్కేందుకు జనం బారులు తీరారు. మరో మూడు రోజులూ స్కూళ్లకు సెలవులు కావడంతో సందర్శకుల సంఖ్య పెరిగే అవకాశం ఉంది.
