న్యూఢిల్లీ: మన దేశం నుంచి ఆర్గానిక్ అగ్రి ప్రొడక్టుల ఎగుమతికి చాలా అవకాశాలున్నాయని కామర్స్ సెక్రటరీ సునీల్ బర్త్వాల్ చెప్పారు. ఆర్గానిక్ ప్రొడక్టుల మార్కెట్ గ్లోబల్గా 135 బిలియన్ డాలర్లని పేర్కొన్నారు. మన దేశం నుంచి కేవలం 700 మిలియన్ డాలర్ల విలువైన ఎగుమతులు జరుగుతున్నాయని అన్నారు. ఆర్గానిక్ అగ్రి ప్రొడక్టుల క్వాలిటీ, స్టాండర్డ్స్ మెరుగుపరుచుకుంటే ఎగుమతుల మార్కెట్లో మంచి అవకాశాలే ఉన్నాయని వెల్లడించారు. ఆర్గానిక్ ఫుడ్ సెగ్మెంట్ చాలా ముఖ్యమైనదని, ఫోకస్ పెట్టాల్సిన అవసరం ఎంతయినా ఉందని కామర్స్ సెక్రటరీ పేర్కొన్నారు.
135 బిలియన్ డాలర్ల గ్లోబల్ మార్కెట్లో మన వాటా 700 మిలియన్ డాలర్లంటే, చాలా తక్కువని, తప్పనిసరిగా మనం ఫోకస్ పెంచాలని వెల్లడించారు. ఇండియా ఎక్స్పో మార్ట్ వద్ద బయోఫాక్ ఇండియా ఆర్గానిక్ ప్రొడక్ట్స్ ఫెయిర్ను కామర్స్ సెక్రటరీ ప్రారంభించారు. ఈ బయోఫాక్ ఇండియా ఆర్గానిక్ ప్రొడక్ట్స్ఫెయిర్ను ఎపెడా (అగ్రికల్చరల్ అండ్ ప్రాసెస్డ్ ఫుడ్ ప్రొడక్ట్స్ ఎక్స్పోర్ట్ డెవలప్మెంట్ అథారిటీ) నిర్వహిస్తోంది.
స్టాండర్డ్స్ తేవాలి.....
ఆర్గానిక్ ప్రొడక్టులను దిగుమతి చేసుకునే దేశాలలోని స్టాండర్డ్స్కు అనుగుణంగా మన దేశంలోనూ స్టాండర్డ్స్ను తీసుకు రావాల్సిన అవసరం ఉందని కామర్స్ సెక్రటరీ చెప్పారు. ఇండియా ఆర్గానిక్ లోగో ప్రమోట్ చేయాలని ఆయన ఈ ఇండస్ట్రీకి పిలుపు ఇచ్చారు. ఫలితంగా గ్లోబల్ మార్కెట్లో మన ఆర్గానిక్ ప్రొడక్టులకు విశ్వసనీయత పెరుగుతుందని పేర్కొన్నారు. దేశంలో దొరికే ఆర్గానిక్ ప్రొడక్టుల కోసం ప్రత్యేక క్యాంపెయిన్‌‌‌‌ని ఎపెడా నిర్వహించాలని సూచించారు. ఈ–కామర్స్ మీడియం వాడుకోవడం ద్వారా ఆర్గానిక్ ప్రొడక్టుల ఎగుమతులు పెంచుకోవచ్చని పేర్కొన్నారు.
ఆర్గానిక్ ప్రొడక్ట్స్ ఇండస్ట్రీ ఎదుర్కొంటున్న సమస్యలను పరిష్కరించడం కోసం ఒక సమావేశాన్ని త్వరలోనే కామర్స్ మినిస్ట్రీ నిర్వహిస్తుందని కామర్స్ సెక్రటరీ హామీ ఇచ్చారు. ఆర్గానిక్ ప్రొడక్టుల ఎగుమతులు పెంపొందిచడంలో ఎపెడా ముఖ్యపాత్ర పోషిస్తుందని డిపార్ట్మెంట్ ఆఫ్ కామర్స్ ఎడిషనల్ సెక్రటరీ రాజేష్ అగర్వాల్ చెప్పారు. ఆర్గానిక్ ఇండస్ట్రీ తమ సమస్యలు పంచుకోవడానికి వీలు కల్పించే ఒక ప్లాట్ఫామ్ను కామర్స్ మినిస్ట్రీ తేనున్నట్లు వెల్లడించారు. దేశంలో ఆర్గానిక్ సర్టిఫికేషన్ ఏజెన్సీల సంఖ్య పెంచాలనే పరిశ్రమ డిమాండ్ను సానుకూలంగా పరిశీలించనున్నట్లు పేర్కొన్నారు. ప్రస్తుతం దేశంలో 30 దాకా ఆర్గానిక్ సర్టిఫికేషన్ ఏజెన్సీలు ఉన్నాయన్నారు.
పరిశ్రమతో కలిసి పనిచేస్తున్నాం: ఎపెడా
దేశం నుంచి ఆర్గానిక్ ప్రొడక్టుల ఎగుమతులు పెంచేందుకు ఆ పరిశ్రమతో కలిసి పనిచేస్తున్నట్లు ఎపెడా చైర్మన్ అభిషేక్ దేవ్ వెల్లడించారు. నేషనల్ ప్రోగ్రామ్ ఫర్ ఆర్గానిక్ ప్రొడక్షన్ (ఎన్పీఓపీ) ని ఎపెడా అమలు చేస్తోందని చెప్పారు. సర్టిఫికేషన్ ఏజెన్సీలకి అక్రిడేషన్, ఆర్గానిక్ ప్రొడక్టులకు స్టాండర్డ్స్, ఆర్గానిక్ సాగు, ప్రొడక్టుల మార్కెటింగ్లలో రైతులకు సాయం అందించడం వంటి కార్యక్రమాలను ఎన్పీఓపీ నిర్వహిస్తోందని వివరించారు.
ఎన్పీఓపీ స్టాండర్డ్స్ను యూరోపియన్ కమిషన్, స్విట్జర్లాండ్లు గుర్తించాయని పేర్కొన్నారు. దేశంలో ఈ ఏడాది మార్చి చివరినాటికి 53,91,793 హెక్టార్లలో ఆర్గానిక్ ప్రొడక్షన్ ఎన్పీఓపీ కింద సాగవుతోందని దేవ్ వెల్లడించారు. మధ్యప్రదేశ్ రాష్ట్రం ఆర్గానిక్ ప్రొడక్షన్లో మొదటి ప్లేస్లో నిలుస్తోందని చెప్పారు. ఆ తర్వాత ప్లేస్లలో మహారాష్ట్ర, గుజరాత్, రాజస్థాన్, ఒడిషా, కర్నాటక, ఉత్తరాఖండ్, సిక్కిం, చత్తీస్గఢ్, ఉత్తరప్రదేశ్, జార్ఖండ్ రాష్ట్రాలు ఉన్నాయని వెల్లడించారు.
2022–23 లో ఇండియా 2.9 మిలియన్ టన్నుల ఆర్గానిక్ ప్రొడక్షన్ జరిగిందని, ఇందులో ఆయిల్ సీడ్స్, సుగర్కేన్, మిల్లెట్స్, మెడిసినల్ ప్లాంట్స్, టీ, కాఫీ, పండ్లు, స్పైసెస్, డ్రైఫ్రూట్స్, వెజిటబుల్స్తో పాటు ప్రాసెస్డ్ ఫుడ్స్ కూడా ఉన్నాయని దేవ్ వివరించారు. అదే ఏడాదిలో రూ. 5,525 కోట్ల విలువైన ఎగుమతులు యూఎస్, ఈయూ, కెనడా, బ్రిటన్, స్విట్జర్లాండ్, ఆస్ట్రేలియా, ఈక్వడార్, కొరియా, వియత్నాం, జపాన్ వంటి దేశాలకు జరిగాయని పేర్కొన్నారు.
