- ఎయిడెడ్ స్కూళ్లలో 3,643 పోస్టులు ఖాళీ
- 678 స్కూళ్లలో 1,938 మందే టీచర్లు
- ఇర్రెగ్యులర్ గా శాలరీస్.. డొనేషన్లతోనే మెయింటనెన్స్
ఆదిలాబాద్, వెలుగు: ఒకప్పుడు ప్రైవేట్ స్కూళ్లకు దీటుగా క్వాలిటీ ఎడ్యుకేషన్ అందించిన ఎయిడెడ్ స్కూళ్లను రాష్ట్ర సర్కారు ఎట్టికి వదిలేసింది. ఏండ్ల తరబడి టీచర్పోస్టులను భర్తీ చేయకపోవడంతో పనిచేస్తున్న టీచర్ల కంటే ఖాళీలే ఎక్కువున్నయి. ఉన్న టీచర్లకూ శాలరీస్ టైం టు టైం వస్తలేవు. మెయింటనెన్స్కు కూడా సర్కారు పైసలు ఇస్తలేదు. దీంతో పిల్లలిచ్చే డొనేషన్లు, ఫీజులతోనే ఎల్లదీయాల్సిన పరిస్థితి వచ్చింది.
విద్యాశాఖ పరిధిలోనే..
స్టేట్వైడ్ ప్రస్తుతం 290 ప్రైమరీ, 124 అప్పర్ ప్రైమరీ, 264 హైస్కూళ్లు మొత్తంగా 678 ఎయిడెడ్ స్కూల్స్ రన్ అవుతున్నాయి. వాస్తవానికి వీటిని ప్రైవేట్యాజమాన్యాలే నడిపించినా, పెత్తనమంతా విద్యాశాఖదే. సర్కారు బళ్ల మాదిరిగానే టీచర్ల నియామకం, వారికి శాలరీస్, పిల్లలకు ఫ్రీగా యూనిఫాంలు, టెక్స్ట్బుక్స్, స్కాలర్షిప్స్ అన్నీ విద్యాశాఖే చూసుకుంటుంది. ఫీజులను, డొనేషన్లను కూడా గవర్నమెంట్ ఫిక్స్ చేస్తుంది.1970 లో ప్రారంభమైన ఎయిడెడ్ స్కూల్ సిస్టమ్ మూడు దశాబ్దాల పాటు సక్సెస్ఫుల్గా రన్ అయింది. అతి తక్కువ ఫీజులు, క్వాలిటీ ఎడ్యుకేషన్ అందిస్తూ వచ్చిన ఈ స్కూళ్లకు ఒకప్పుడు మంచి క్రేజ్ ఉండేది. ఎప్పుడూ టీచర్స్, పిల్లలతో కళకళ లాడేవి. కానీ ప్రభుత్వాలు క్రమంగా ఎయిడెడ్ స్కూళ్లను నిర్లక్ష్యం చేస్తూ రావడంతో ప్రస్తుతం కళతప్పాయి.
అన్ని వసతులు ఉన్నా..
రాష్ట్రవ్యాప్తంగా పలు సిటీలు, టౌన్లు, మండలకేంద్రాలు, ఇతరత్రా కీలకమైన సెంటర్లలో ఉన్న ఎయిడెడ్ స్కూళ్లకు మంచి బిల్డింగులు, క్లాస్రూమ్లు, ల్యాబ్లు, ప్లేగ్రౌండ్స్, ఫర్నిచర్ఇలా అన్ని ఫెసిలిటీస్ ఉన్నాయి. లేనిదల్లా ప్రభుత్వానికి చిత్తశుద్ధి మాత్రమే. సుమారు 18ఏండ్లుగా ఎయిడెడ్ స్కూళ్లలో టీచర్ పోస్టులను ప్రభుత్వం భర్తీ చేయట్లేదు. స్టేట్వైడ్ 3,643 ఖాళీలు ఉండగా, కేవలం 1,938 మంది మాత్రమే రెగ్యులర్ టీచర్లు పనిచేస్తున్నారు. వీరికి గవర్నమెంట్ టీచర్స్ లాగే బేసిక్ పే, ఇతర అలవెన్సులతో కూడిన శాలరీస్ ఇవ్వాల్సి ఉన్నప్పటికీ 010 హెడ్ ప్రకారం ఇవ్వట్లేదు. ఎయిడెడ్ టీచర్ల జీతాలకు సంబంధించిన బడ్జెట్ను టైం టు టైం రిలీజ్ చేయట్లేదు. దీంతో రెగ్యులర్గా శాలరీస్ రావట్లేదు. ఇంక్రిమెంట్లు, ఇతర అలవెన్సులదీ ఇదే పరిస్థితి. గవర్నమెంట్ టీచర్లకు ఇచ్చే మెడికల్ రీయింబర్స్మెంట్, హెల్త్ కార్డుల ఫెసిలిటీ కూడా వీళ్లకు కల్పించలేదు. ఎయిడెడ్ స్కూళ్ల మెయింటనెన్స్కు సైతం ప్రభుత్వం ఫండ్స్ఇవ్వకపోవడంతో స్టూడెంట్స్ ఇచ్చే డొనేషన్లు, ఫీజులతోనే నడుపుతున్నారు. టెంపరరీ టీచర్లను నియమించుకొని జీతాలు ఇస్తున్నారు. దీంతో క్వాలిటీ ఎడ్యుకేషన్ అందక స్టూడెంట్స్క్రమంగా ప్రైవేట్ స్కూళ్లవైపు మళ్లుతున్నారు. సర్కారు నుంచి సహకారం లేక ఇప్పటికే కొన్ని ఎయిడెడ్ స్కూళ్లు మూతపడగా, పరిస్థితి ఇలాగే ఉంటే మంచి ఉద్దేశంతో ఏర్పాటుచేసిన ఎయిడెడ్ స్కూల్ అనేవి ఇక ముందు కనిపించవని ఎడ్యుకేషన్ ఎక్స్పర్ట్స్ చెబుతున్నారు.
మా స్కూల్ ను చూస్తే బాధగా ఉంది..
నేను పదోతరగతి వరకు సెయింట్ జోసెఫ్ ఎయిడెడ్ స్కూల్ లో చదివాను. టీచర్లు ఎంతో కమిట్మెంట్తో చదువులు చెప్పేవారు. క్వాలిటీ ఎడ్యుకేషన్, డిసిప్లీన్ఎయిడెడ్ స్కూళ్ల లో కనిపించేవి. నేను రైల్వే స్టేషన్ మాస్టర్ గా సెంట్రల్ గవర్నమెంట్ జాబ్ సాధించానంటే మా ఎయిడెడ్ స్కూల్ పుణ్యమే. ఇప్పుడు ఆ పాత స్కూల్ ను చూస్తేనే బాధ కలుగుతోంది. అక్కడ నేను చదివినప్పుడు ఉన్న అటెండర్ తప్ప మరెవరూ లేరు.
–పెద్దపల్లి ఇంద్రసేన్, రైల్వే స్టేషన్ మాస్టర్, రేచిని రోడ్
For More News..
