న్యూఢిల్లీ: సబ్బులు, షాంపూలు, టూత్పేస్టుల తయారీ రంగంలోని హిందుస్తాన్ యూనిలివర్ లిమిటెడ్ నికర లాభం ఈ ఏడాది మార్చి క్వార్టర్లో 12.74 శాతం పెరిగి రూ. 2,601 కోట్లకు చేరింది. ఈ క్వార్టర్లో అమ్మకాలు పెరగడంతోపాటు, మార్జిన్స్ మెరుగుపడ్డాయని కంపెనీ వెల్లడించింది. అంతకు ముందు ఏడాది జనవరి–మార్చి క్వార్టర్లో హిందుస్తాన్ యూనిలివర్కు రూ. 2,307 కోట్ల లాభం వచ్చింది. ఇక తాజా క్వార్టర్లో సేల్స్ రెవెన్యూ కూడా 10.83 శాతం గ్రోత్తో రూ. 14,926 కోట్లయిందని పేర్కొంది.
టర్నోవర్లో 11 శాతం గ్రోత్తో పాటు, సేల్స్ వాల్యూమ్లో 4 శాతం గ్రోత్తో మెరుగైన పనితీరు కనబరచగలిగినట్లు హిందుస్తాన్ యూనిలివర్ లిమిటెడ్ ఈ స్టేట్మెంట్లో తెలిపింది. గ్రాస్ మార్జిన్లు 129 బేసిస్ పాయింట్లు మెరుగయ్యాయని, బ్రాండ్స్లో భారీగా పెట్టుబడులు పెడుతున్నామని వివరించింది. ఇబిటా మార్జిన్స్23.7 శాతంగా రికార్డయ్యాయని, ఇది ఆరోగ్యకరమైనదని పేర్కొంది. మార్చి క్వార్టర్లో హోమ్కేర్ సెగ్మెంట్ 18.84 శాతం గ్రోత్తో రూ. 5,637 కోట్ల అమ్మకాలు సాధించి అదరగొట్టిందని హిందుస్తాన్ యూనిలివర్ వెల్లడించింది. ఫ్యాబ్రిక్ వాష్, హౌస్ హోల్డ్ కేర్ సెగ్మెంట్లు రెండూ రెండంకెల గ్రోత్ రికార్డు చేసినట్లు పేర్కొంది. పర్సనల్ కేర్, బ్యూటీ విభాగంలో లక్స్ బ్రాండ్ పటిష్టమైన పనితీరు కనబరిచినట్లు వివరించింది.
మార్చి 2023 తో ముగిసిన పూర్తి ఏడాదికి హెచ్యూఎల్ కన్సాలిడేటెడ్ రెవెన్యూ రూ. 59,443 కోట్లయితే, నికర లాభం రూ. 10,143 కోట్లు. ఎఫ్ఎంసీజీ మార్కెట్ వాల్యూమ్స్ తగ్గినప్పటికీ తమ టాప్లైన్ (టర్నోవర్)లో రూ. 8 వేల కోట్ల గ్రోత్ సాధించగలిగామని హెచ్యూఎల్ మేనేజింగ్ డైరెక్టర్ సంజీవ్ మెహతా చెప్పారు.
