యాదాద్రి, వెలుగు: కల్తీ కల్లు కేసులో భార్యాభర్తలకు ఏడేండ్ల జైలు శిక్ష విధించడంతోపాటు రూ. 10 వేల జరిమానా విధిస్తూ యాదాద్రి జిల్లా జడ్జి బాల భాస్కర్రావు తీర్పునిచ్చారు. భువనగిరి రూరల్ ఎస్సై హెచ్ రాఘవేందర్ తెలిపిన వివరాల ప్రకారం.. భువనగిరి మండలం బాలంపల్లికి చెందిన దూడల మల్లయ్య, అతడి భార్య దూడల బతుకమ్మ అలియాస్ బక్కమ్మ కల్లు అమ్మేవారు.
23 డిసెంబర్ 2015లో అదే గ్రామానికి చెందిన కాశపాక మల్లేశ్, మరో నలుగురు వీరి దగ్గర కల్లు తాగి పడిపోయారు. ట్రీట్మెంట్ తీసుకుంటూ కాశపాక మల్లేశ్చనిపోయాడు. మృతుడి తండ్రి ఫిర్యాదు మేరకు అప్పటి భువనగిరి సీఐ తిరుపతి దర్యాప్తు చేశారు. విచారణ అనంతరం కల్తీ కల్లు అమ్ముతున్నట్టు కోర్టులో రుజువు కావడంతో దంపతులకు జైలు శిక్షతోపాటు జరిమానా విధిస్తూ జడ్జి తీర్పు చెప్పారు.
