- ఊరెళ్లి పోదామని ఒకరు.. ఇక్కడే ఉందామని మరొకరు
- భార్యతో గొడపపడి భర్త సూసైడ్
- బషీరాబాద్ పరిధిలో ఘటన
జీడిమెట్ల, వెలుగు: ఆర్థిక సమస్యలతో భార్యతో గొడవపడి భర్త సూసైడ్ చేసుకున్నాడు. నల్గొండ జిల్లా మాడుగులపల్లి మండలం బీమన్పల్లికి చెందిన సైదులు (40) రెండు నెలల క్రితం తన భార్య సలోమీతో కలిసి ఉపాధి కోసం సిటీకి వచ్చాడు. మైసమ్మగూడలో ఉంటూ మల్లారెడ్డి బాయ్స్ హాస్టల్లో ఇద్దరూ క్లీనింగ్పనిచేస్తున్నారు. వీరికి ఆర్థిక సమస్యలు ఉండడంతో బుధవారం రాత్రి భార్యభర్తల మధ్య గొడవ జరిగింది.
ఇక్కడే ఉండి అప్పులు తీరుద్దామని భార్య, ఊరెళ్లి పోదామని భర్త గొడవపడ్డారు. దీంతో మనస్తాపం చెందిన సైదులు హాస్టల్లోని రూమ్ నంబర్ 207లో గడియ పెట్టుకొని పడుకున్నాడు. గురువారం ఉదయం 9.30 గంటల వరకూ సైదులు లేవకపోవడంతో హాస్టల్లో పనిచేసే ఓ వ్యక్తి వెంటిలేటర్ ద్వారా చూడగా, సీలింగ్ ఫ్యాన్కు లుంగీతో ఉరేసుకున్నట్లు గుర్తించారు. ఈ మేరకు కేసు నమోదు చేసి దర్యాప్తు చేస్తున్నట్లు బషీరాబాద్ ఎస్ఐ ప్రవీణ్ తెలిపారు.
- పశువుల పాకలో ఉరేసుకొని యువకుడు..
ఇబ్రహీంపట్నం: ఆదిబట్లలోనూ ఓ యువకుడు పశువుల పాకలో ఉరేసుకొని మృతి చెందాడు. ఇబ్రహీంపట్నం మండలం ఎంపీ పటేల్గూడ గ్రామానికి చెందిన గజ్జెల తేజేశ్వర్ రెడ్డి(24) తన ఫ్రెండ్ బర్త్డేకు వెళ్తున్నట్లు చెప్పి బుధవారం రాత్రి ఇంటి నుంచి వెళ్లాడు.
గురువారం ఉదయం వరకూ ఇంటికి తిరిగిరాకపోవడంతో కుటుంబసభ్యులు తమ పొలం వద్దకు వెళ్లిచూశారు. అక్కడి పశువుల పాకలో తేజ ఉరేసుకొని మృతి చెందినట్లు గుర్తించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.
