సికింద్రాబాద్, వెలుగు: భార్యతో గొడవల నేపథ్యంలో పోలీసు స్టేషన్కు కౌన్సిలింగ్కువచ్చిన భర్త పెట్రోల్ పోసుకుని ఆత్మహత్యాయత్నానికి పాల్పడ్డాడు. బేగంపేట మహిళా పోలీసుస్టేషన్ పరిధిలో సోమవారం ఈ ఘటన జరిగింది. అడ్డగుట్టకు చెందిన అఖిల్(28), సరిత(24) భార్యాభర్తలు. వీరికి రెండేళ్ల కిందట పెండ్లి జరగ్గా, కొంత కాలంగా దంపతుల మధ్య గొడవలు జరుగుతుండడంతో.. సరిత బేగంపేట మహిళా పోలీసుస్టేషన్లో ఫిర్యాదు చేసింది.
దీంతో ఇద్దరి మధ్య సయోద్య కుదుర్చేందుకు పోలీసులు కౌన్సిలింగ్నిర్వహిస్తున్నారు. సోమవారం కూడా ఇద్దరు కౌన్సిలింగ్రావడంతో సీఐ వారికి కౌన్సిలింగ్నిర్వహించారు. ఈ సమయంలో అఖిల్తనను మాటి మాటికి కౌన్సిలింగ్పేరుతో స్టేషన్కు పిలిపిస్తున్నారంటూ తన వెంట తెచ్చుకున్న పెట్రోల్ఒంటిపై పోసుకొని నిప్పంటిచుకున్నాడు.
వెంటనే అప్రమత్తమైన పోలీసులు అతని కోటుకు అంటుకున్న మంటలను ఆర్పివేశారు. అనంతరం స్వల్పంగా గాయపడిన అతడిని ఆస్పత్రికి తరలించారు.
