హుజూర్‌నగర్‌ ఉప ఎన్నిక పోలింగ్‌కు ప్రారంభమైంది. ఓటర్లు తమ ఓటు హక్కును వినియోగించుకునేందుకు పోలింగ్ కేంద్రాలకు తరలి వస్తున్నారు. గత అసెంబ్లీ ఎన్నికల్లో ఈ నియోజకవర్గం నుంచి కాంగ్రెస్‌ పార్టీ అభ్యర్థిగా పోటీ చేసి గెలుపొందిన ఉత్తమ్‌కుమార్‌ రెడ్డి రాజీనామా చేయడంతో.. ఇక్కడ ఉప ఎన్నిక నిర్వహిస్తున్నారు. ఈ ఎన్నికలో మొత్తం 28 మంది అభ్యర్థులు పోటీలో ఉండగా అందులో కాంగ్రెస్‌, టీఆర్‌ఎస్‌, బీజేపీ, టీడీపీ తో పాటు మొత్తం 13 రాజకీయ పార్టీల అభ్యర్థులు మరో 15మంది స్వతంత్ర అభ్యర్ధులు పోటీలో ఉన్నారు.
