గచ్చిబౌలి, వెలుగు: సైబరాబాద్ పోలీసుల విధులకు ఆటంకం కలిగించడంతో పాటు సైబరాబాద్ అడ్మిన్ ఏడీసీపీ రవిచందన్రెడ్డికి వేలు చూపిస్తూ అంతూ చూస్తానని బెదిరించిన హుజురాబాద్ బీఆర్ఎస్ ఎమ్మెల్యే పాడి కౌశిక్రెడ్డిపై కేసు నమోదు అయ్యింది. ఎమ్మెల్యే కౌశిక్రెడ్డి ఇంటిపై దాడి ఘటనపై సైబరాబాద్ సీపీకి ఫిర్యాదు చేసేందుకు బీఆర్ఎస్ నేతలు పెద్ద ఎత్తున సీపీ ఆఫీస్కు తరలివచ్చారు.
ఈ క్రమంలో ప్రధాన ద్వారం వద్ద బందోబస్తు నిర్వహిస్తున్న సైబరాబాద్ అడ్మిన్ ఏడీసీపీ రవి చందన్రెడ్డికి వేలు చూపెడుతూ నీ అంతు చూస్తానని బెదిరించి చాతిపై చెయ్యి వేసి కౌశిక్ రెడ్డి వెనక్కి నెట్టివేశాడు. దీంతో ఏడీసీపీ రాయదుర్గం పోలీసులకు కంప్లైంట్ చేశారు. ఈ మేరకు కౌశిక్రెడ్డిపై 132, 351(3) బీఎన్ఎస్ సెక్షన్ల కింద కేసు నమోదైంది.
కౌశిక్రెడ్డిపై బీఆర్ఎస్ నేత ఫిర్యాదు
ఎమ్మెల్యే పాడి కౌశిక్రెడ్డి తమను బెదిరించి, రాళ్లు, కోడి గుడ్లతో దాడి చేశాడని, ఎమ్మెల్యేపై కేసు నమోదు చేసి చర్యలు తీసుకొని బీఆర్ఎస్ లీడర్ కృష్ణచైతన్య గచ్చిబౌలి పోలీసులకు కంప్లైంట్ చేశాడు. కౌశిక్రెడ్డి విసిరిన సవాల్ను స్వీకరించిన అరికెపూడి గాంధీతో కలిసి గురువారం మధ్యాహ్నం తాము కొండాపూర్లోని ఎ మ్మెల్యే కౌశిక్రెడ్డి ఇంటికి చేరుకున్నామని, అక్కడ కౌశిక్రెడ్డి తన అనుచరులతో తమను బండబూతులు తిడుతూ దాడికి ఉసిగొల్పాడని ఫిర్యాదులో పేర్కొన్నారు.
