రంగారెడ్డి జిల్లా జిల్లెలగూడలో మిస్సైన స్టూడెంట్ మహిధర్ రెడ్డి ఆచూకీ లభ్యమైంది. CC ఫుటేజ్ ఆధారంగా బాలుడి తిరుపతిలో గుర్తించారు పోలీసులు. దీంతో తిరుపతికి బాలుడి తలిదండ్రులు బయలుదేరారు. DNR కాలనీలోని మహిధర్ రెడ్డి అనే బాలుడు మీర్ పేటలోని ఓ ప్రైవేట్ స్కూల్లో ఎనిమిదవ తరగతి చదువుతున్నాడు. ఆగస్టు 4న సాయంత్రం ట్యూషన్ వెళ్లి కనిపించకుండా పోయాడని బాలుడి పేరేంట్స్ పోలీస్ స్టేషన్ లో ఫిర్యాదు చేశారు.
దీంతో మొన్నటి నుంచి పోలీసులు ముమ్మరంగా గాలింపు చర్యలు చేపట్టారు. అయితే మొన్న సాయంత్రం ఓ బైక్ ని లిఫ్ట్ అడిగి...మీర్ పేట చౌరస్తాలో బస్సెక్కి..చాదర్ ఘాట్ బస్టాండ్లో దిగినట్లు CC ఫుటేజ్ లో రికార్డు అయ్యాయి. మలక్ పేట రైల్వే స్టేషన్ లో రైలు టికెట్ కొన్నట్లు గుర్తించారు. దీంతో గాలింపు చర్యలను స్పీడప్ చేశారు. ఇవాళ ఉదయం తిరుపతిలో పోలీసులు గుర్తించినట్లు తెలిసింది. దీంతో బాలుడిని తిరిగి ఇంటికి తీసుకొచ్చేందుకు తిరుపతి బయలుదేరారు తలిదండ్రులు.
