హైదరాబాద్ లోని కూకట్ పల్లి, జూబ్లీహిల్స్, మాదాపూర్ తో పాటు పలు చోట్ల ఐటీ సోదాలు కలకలం రేపుతున్నాయి. ఒకే సారి 8 చోట్ల ఐటీ అధికారులు సోదాలు చేస్తున్నారు. కూకట్ పల్లి రెయిన్ బో విస్టాస్ అపార్ట్ మెంట్ లో ఐటీ అధికారులు తనిఖీలు చేస్తున్నారు. ఐ బ్లాక్‌ లో ఉంటున్న ఓ తెలుగు న్యూస్ ఛానల్ యజమాని ఇంట్లో సోదాలు చేస్తున్నారు అధికారులు.
బషీర్ బాగ్ లోని స్టార్ ఫైనాన్స్ కంపెనీ ప్రధాన కార్యాలయంతో పాటు స్టార్ ఫైనాన్స్ కంపెనీ సీఈవో, ఎండి ఇళ్లలో కూడా ఐటీ అధికారులు తనిఖీలు చేస్తున్నారు. దాదాపు 8 బృందాలు సోదాలు చేస్తున్నాయి. ఉదయం నుంచి ఐటీ సోదాలు కొనసాగుతున్నాయి. సోదాల్లో పలు కీలక డాక్యుమెంట్లు స్వాధీనం చేసుకున్నట్లు తెలుస్తోంది.
