హైదరాబాద్ సిటీ, వెలుగు: ప్రభుత్వ భూములను క్షేత్రస్థాయిలో పరిశీలించి ఈ నెల 31 లోగా నివేదిక సమర్పించాలని హైదరాబాద్అడిషనల్కలెక్టర్(రెవెన్యూ) వెంకటాచారి సర్వేయర్లను ఆదేశించారు.
మంగళవారం జిల్లా సర్వే అండ్ ల్యాండ్ రికార్డ్స్ ఆఫీసులో జిల్లాలోని అన్ని మండలాల సర్వేయర్లతో సమీక్ష నిర్వహించారు. మండల వారీగా సర్వే పనులు, నివేదికలను పరిశీలించారు. ఏ మండలంలోనూ సర్వే పెండింగ్ ఉండకూడదని, దరఖాస్తులను ఎప్పటికప్పుడు పరిశీలించి పరమైన సర్వే విధులు నిర్వహించాలని సూచించారు. 31 లోగా అన్ని మండలాల సర్వేయర్లు నివేదికలు సమర్పించాలని ఆదేశించారు.
సమావేశంలో సర్వే అండ్ ల్యాండ్ రికార్డ్స్ అసిస్టెంట్ డైరెక్టర్ వి.శ్రీరామ్, డిప్యూటీ ఇన్స్పెక్టర్లు రాజేశం, బుచ్చయ్య, మహేందర్ రెడ్డి, సర్వేయర్లు తదితరులు పాల్గొన్నారు.
