- ఎన్టీఆర్ స్టేడియంలో భారీ ఏర్పాట్లు
- ప్రారంభించనున్న మంత్రులు జూపల్లి, పొన్నం
- 350 స్టాల్స్ ఏర్పాటు
హైదరాబాద్, వెలుగు : ఎప్పుడెప్పుడా అని పుస్తక ప్రియులంతా ఎదురుచూస్తున్న ‘హైదరాబాద్ బుక్ఫెయిర్’ గురువారం నుంచి షురూ కానుంది. ఎన్టీఆర్స్టేడియంలో నిర్వహించే కార్యక్రమానికి మంత్రులు జూపల్లి కృష్ణారావు , పొన్నం ప్రభాకర్ హాజరై ప్రారంభించనున్నారు. ప్రతిరోజూ మధ్యాహ్నం 12 గంటల నుంచి రాత్రి 9 గంటల వరకు బుక్ ఫెయిర్ కొనసాగుతుంది.
పదిరోజుల పాటు జరిగే ఈ పండుగలో 350 స్టాళ్లు ఏర్పాటు చేయనున్నారు. ఇక్కడ తెలుగు భాషతో పాటు ఇతర భాషలు, ఇంటర్నేషనల్పబ్లికేషన్లకు సంబంధించిన పుస్తకాలు కూడా దొరుకుతాయి. పది రోజుల పాటు జరిగే ఈ బుక్ఫెయిర్ను లక్షల మంది విజిట్ చేసే అవకాశం ఉంది.
మూడు దశాబ్దాలుగా..
హైదరాబాద్ బుక్ఫెయిర్నగరంలో మూడు దశాబ్దాల క్రితం మొదలైంది. తెలుగు రాష్ట్రాలతోపాటు ముంబై, చెన్నై, పుణె, ఢిల్లీ, కోల్కతా, అహ్మదాబాద్, కేరళ నుంచి పబ్లిషర్లు స్టాళ్లను ఏర్పాటు చేయడంతో దేశవ్యాప్తంగా ప్రాధాన్యం సంతరించుకుంది. ఈ 37వ హైదరాబాద్బుక్ ఫెయిర్లో 350 స్టాళ్లు ఉంటే 175 తెలుగు పుస్తకాల స్టాల్స్, 135 ఇంగ్లిష్, భారతీయ భాషల స్టాల్స్ ఉన్నాయి. వీటితో పాటు ఇండిపెండెంట్ రైటర్ల పుస్తకాల కోసం ప్రత్యేక స్టాల్స్ఏర్పాటు చేశారు.
ALSO READ : ప్రతి హాస్టల్లో సౌకర్యాలు కల్పించాలి
ప్రముఖులకు నివాళితో..
బుక్ఫెయిర్ ప్రాంగణానికి దాశరథి కృష్ణమాచార్య పేరు ఖరారు చేశారు. సాంస్కృతిక, సభల వేదికకు బోయి విజయభారతి పేరు, మరో వేదికకు సాదిక్‌ పేరు పెట్టారు. ఈ వేదికలపై రోజూ భాషా సాంస్కృతిక శాఖ ఆధ్వర్యంలో సాంస్కృతిక కార్యక్రమాలు, పుస్తకావిష్కరణలు, చర్చా కార్యక్రమాలు ఉంటాయి.
పది లక్షల మంది విజిట్ చేస్తారు
పది రోజుల ఈ బుక్ ఫెయిర్ను సుమారు 10లక్షల మంది విజిట్చేసే అవకాశం ఉంది. విద్యార్థులు, యువకులు, పుస్తక ప్రియులు బుక్ ఫెయిర్ను ఉపయోగించు కోవాలి. అన్ని స్టాల్స్లో పుస్తకాలకు డిస్కౌంట్ఉంటుంది. అనువాదాలు, నవలలు, కవిత్వం, కథల పుస్తకాలకు ఈ బుక్ ఫెయిర్వేదికగా నిలుస్తుంది.
– ఆర్ వాసు, సెక్రటరీ, హైదరాబాద్ బుక్ ఫెయిర్–
ఈ ఏడాది కొత్త ఏర్పాట్లుపది రోజుల పుస్తకాల పండగను ప్రజలంతా సక్సెస్ చేయాలి. రెండు నెలల నుంచి బుక్ఫెయిర్ కు సంబంధించిన ఏర్పాట్లు చేస్తున్నాం. విజిటర్స్కు ఎలాంటి ఇబ్బందులు కలగకుండా సౌకర్యాలు కల్పించాం. రెండు వేదికలతో పాటు విజిటర్స్ విశ్రాంతి కోసం ప్రాంగణంలో బెంచీలను పెడుతున్నాం. కిందటి ఏడాది కంటే ఈ ఏడాది కొత్త ఏర్పాట్లతో బుక్ఫెయిర్ కొనసాగుతోంది.
– కిష్టారెడ్డి, బుక్ ఫెయిర్ కో ఆర్డినేటర్–
