గండిపేట్, వెలుగు: హైదరాబాద్ శివారు నార్సింగిలో బుల్లెట్ కలకలం రేపింది. మున్సిపాలిటీ పరిధిలోని బైరాగిగూడలో శివపురి కాలనీలో అరక్ అడ్వాత అపార్ట్మెంట్లోని ఐదవ ఫ్లోర్లోకి బుల్లెట్ దూసుకొచ్చింది. అది ఇంటి అద్దాలను పగలగొట్టి లోపలికొచ్చి పడింది.
ఆ సమయంలో ఇంట్లో ఎవరు లేకపోవడంతో ప్రమాదం తప్పింది. ఇంట్లోని వారందరు తాళం వేసి బయటికెళ్లారు. తిరిగొచ్చి చూసే సరికి ఇంట్లో అద్దాల గాజు పెంకులను చూసి అవాక్కయ్యారు. ఆ తర్వాత అపార్ట్ మెంట్ అధ్యక్షుడికి సమాచారం అందించారు. బుల్లెట్ ను నార్సింగి పోలీసులకు అప్పగించారు. అపార్ట్ మెంట్ పక్కనే రాజ్ బహదూర్ వెంకటరామిరెడ్డి పోలీస్ అకాడమీ ట్రైనింగ్ సెంటర్ ఉంది. ఇక్కడ జరుగుతున్న పరేడ్, ఫైరింగ్ నేపథ్యంలో ఈ బుల్లెట్ దూసుకొచ్చి ఉంటుందని స్థానికులు భావిస్తున్నారు.
