హైదరాబాద్ నగరంతోపాటు తెలంగాణలో రెండు రోజులు వర్షాలు కురుస్తున్నాయని వాతావరణ శాఖ తెలిపింది. మరో 3 గంటల్లో హైదరాబాద్ నగరంతోపాటు పలు జిల్లాల్లో మోస్తరు నుంచి భారీ వర్షాలు కురుస్తాయని తెలిపింది. నగరంలో పలు ప్రాంతాల్లో చిరుజల్లులో వానలు పడతాయని సూచించింది.
తెలంగాణలో మరో రెండ్రోజులు భారీ వర్షాలున్నాయన్న ఐఎండీ పలు జిల్లాలకు వర్ష సూచన చేసింది. భద్రాద్రి కొత్తగూడెం, కామారెడ్డి, భూపాలపల్లి,హైదరాబాద్, మెదక్, రంగారెడ్డి, సంగారెడ్డి, సిద్దిపేట, సూర్యాపేట, హనుమకొండలో మోస్తరు వర్షాలు కురిసే ఛాన్స్ ఉంది.
కరీంనగర్, ఖమ్మం, మల్కాజ్ గిరి, ములుగు, నల్లగొండ, జనగామ, భువనగిరి,మహబూబాబాద్, వరంగల్ జిల్లాల్లో భారీ వర్షాలు కురుస్తాయని ప్రజలు, అధికారులు అప్రమత్తంగా ఉండాలని సూచించింది.
