హైదరాబాద్ సిటీ, వెలుగు: అయోడిన్ ముఖ్యమైన సూక్ష్మ పోషకమని, ప్రతి ఒక్కరూ అయోడిన్ కలిగిన ఉప్పునే వాడాలని హైదరాబాద్ డీఎంహెచ్ఓ డాక్టర్జె.వెంకట్సూచించారు. గొంతు భాగంలోని థైరాయిడ్ గ్రంథి అయోడిన్ సూక్ష్మ పోషకాలు ఉపయోగించుకొని థైరాక్సిన్ హార్మోన్ ఉత్పత్తి చేస్తుందని తెలిపారు. సోమవారం డీఎంహెచ్ఓ ఆఫీసులో నిర్వహించిన ప్రపంచ అయోడిన్ లోప నివారణ దినోత్సవ సదస్సులో డాక్టర్వెంకట్పాల్గొని మాట్లాడారు. అయోడిన్ లోపం కారణంగా కలిగే నష్టాలను వివరించారు. బస్తీ దవాఖానాల ద్వారా అయోడిన్ ఉప్పుని వాడేటట్లు అవగాహన కల్పిస్తున్నట్లు తెలిపారు. అయోడిన్ వాడకంపై పోస్టర్లను ఆవిష్కరించారు. ప్రోగ్రాం ఆఫీసర్డాక్టర్ ఆశ్రితరెడ్డి, ఆఫీసర్లు జక్కుల రాములు, సునీల్ కుమార్, నరసింహ, అంజయ్యగౌడ్, ఒమర్ సాలేహ్, కార్యాలయ సిబ్బంది పాల్గొన్నారు.
