హైదరాబాద్సిటీ, వెలుగు: బల్దియా, హెచ్ఎండీఏ తరహాలో ఫ్యూచర్సిటీ అభివృద్ధి కోసం ఫ్యూచర్ సిటీ డెవలప్మెంట్ అథారిటీ ఏర్పాటు చేసిన సంగతి తెలిసిందే. సీఎం రేవంత్రెడ్డి ప్రత్యేక దృష్టి పెట్టి నగరంలోని మూడు సిటీలతో పాటు నాలుగో సిటీగా ఫ్యూచర్సిటీని డెవలప్చేయాలని నిర్ణయించి అథారిటీ ఏర్పాటు చేశారు. అయితే, ఈ అథారిటీ పరిధిలోకి వచ్చే ప్రాంతాలను ప్లాన్ప్రకారం డెవలప్చేయనున్నారు. దీంతో ఏఏ ప్రాంతాలు ఇందులో కలుస్తాయన్న అంశంపై అంతా ఆసక్తి నెలకొన్నది.
12 జోన్లుగా..
ఎఫ్సీడీఏ పరిధిలోకి ఇప్పటికే హెచ్ఎండీఏలోని 56 రెవెన్యూ గ్రామాలను కలపగా, ఔటర్ రింగ్రోడ్ అవతల, శ్రీశైలం జాతీయ రహదారి, నాగార్జున సాగర్ స్టేట్ హైవేల పరిధిలోని పలు ప్రాంతాలను కూడా తీసుకువచ్చారు. అలాగే రాజీవ్గాంధీ ఇంటర్నేషనల్ ఎయిర్పోర్ట్ పరిధిలోని శంషాబాద్, దాని పరిసర ప్రాంతాలు కూడా వచ్చి చేరాయి.
ఈ ప్రాంతంలోనే తెలంగాణ ఇండస్ట్రియల్ ఇన్ఫ్రాస్ర్టక్చర్(టీజీఐఐసీ) ఆధ్వర్యంలో ఎకనామిక్ జోన్, ఇండస్ట్రియల్ క్లస్టర్లను అభివృద్ధి చేయనున్నారు. అథారిటీ పరిధిలో కాంప్రహెన్సివల్ మాస్టర్ప్లాన్తో పాటు మల్టీమోడల్ కనెక్టివిటీ, మోడరన్ అర్బన్ ఎమినిటీస్ కల్పించనున్నారు.
Also Read:-కోటిన్నరకు చేరిన గ్రేటర్ హైదరాబాద్ జనాభా.. ఉద్యోగులు మాత్రం 31వేలే
భవిష్యత్తులో ఈ ప్రాంతంలో రేడియల్రోడ్లు, మెట్రోరైల్ కనెక్టివిటీని కూడా కల్పించనున్నారు. అథారిటీ పరిధిలో యంగ్ ఇండియా స్కిల్ యూనివర్శిటీ అండ్ ఎడ్యుకేషన్ హబ్లతో కలిపి 12 జోన్లుగా విస్తరించే అవకాశం ఉందని అధికారులు చెబుతున్నారు.
